چاند پر پاکستان کا پہلا سیٹلائٹ مشن ’’آئی کیوب قمر‘‘کوبھیجنے کی تیاریاں مکمل ہوچکی ہیں۔ انسٹیٹیوٹ آف اسپیس ٹیکنالوجی کی کور کمیٹی کے ممبر ڈاکٹر خرم خورشید نے میڈیا کو بتایا کہ خلائی مشن آج 3 مئی کودن 12بج کر 50منٹ پر بھیجا جائیگا۔
ڈاکٹر خرم خورشیدنے مزید اس حوالے سے بات کرتے ہوئے کہا کہ مشن چین کے ہینان اسپیس لانچ سائٹ سے خلا میں بھیجا جائیگا‘ سیٹلائٹ آئی کیوب قمرکی لانچ کو ویب سائٹ سے براہ راست ٹیلی کاسٹ بھی کیا جائیگا۔
پاکستان کا سیٹلائٹ مشن چاند کے مدار پر 5 دن بعد پہنچے گا اور آئیندہ 3 ماہ تک چاند کے گرد 6 چکر لگائے گا۔ اس پراجیکٹ کے زریعے چاند کی سطح کی مختلف تصاویر لی جائیں گی جس سے تحقیق کرنے والے پاکستانیوں کے پاس اپنی سیٹلائٹ سے لی جانے والی چاند کی حالیہ تصاویر ہوں گی۔