|
انگلینڈ کے علاقے Colchester سے تعلق رکھنے والی نوجوان
لڑکی Ira Saxena ایک ایسی پراسرار اور عجیب و غریب بیماری کا شکار ہوگئی ہے
جس نے ڈاکٹروں کو بھی حیرت میں مبتلا کر رکھا ہے-
Ira جب صبح جاگتی ہے تو اسے اس وقت سے چھینکیں آنا شروع ہوتی ہیں جو کہ اس
کے سونے تک جاری رہتی ہیں- اسے ایک منٹ میں 10 سے زائد بار چھینکیں اور اس
غیر معمولی صورتحال نے اسے پریشان کر کے رکھ دیا ہے- ایک اندازے کے مطابق
Ira کو دن میں 8 ہزار چھینکیں آتی ہیں-
|
|
|
اس پراسرار حالت کا آغاز 3 ہفتے قبل اس وقت ہوا جب وہ صبح سو کر اٹھی اور
اسے چھینکیں آنا شروع ہوئیں-
Ira کی والدہ پریہا کا کہنا ہے کہ “ ابتدا میں ہم نے اسے ایک عام بات سمجھا
لیکن جلد ہی ہمیں اس وقت غیر معمولی صورتحال احساس ہوا جب چھینکوں کی وجہ
سے Ira کا اسکول جانا بھی مشکل ہوگیا“-
“ یہ دن میں 8 ہزار مرتبہ چھینکتی ہے اور واحد وقت اس کے سونے کا ہے جب یہ
پوری رات بغیر چھینکوں کے پرسکون انداز میں سوتی ہے“-
متعدد ڈاکٹر Ira کا معائنہ کرچکے ہیں اور چھینکوں کی عام وجوہات الرجی یا
سردی کو مسترد کرنے کے باوجود ہزاروں کی تعداد میں آنے والی ان چھینکوں کی
اصل وجہ بتانے سے قاصر ہیں-
ڈاکٹروں مطابق ممکن ہے کہ اس کیفیت میں دماغ کو غلط سگنل موصول ہورہے ہوں
لیکن کوئی بھی بات یقین سے نہیں کہی جاسکتی-
پریہا کا کہنا ہے کہ “ ان کی بیٹی کو کسی بھی چیز سے الرجی نہیں ہے اور اسے
کئی قسم کی دوائیں بھی دی گئی ہیں لیکن کوئی کامیابی حاصل نہیں ہوئی- کسی
نے بھی آج تک اس طرح کی صورتحال کا سامنا نہیں کیا- اس کوئی دوا اثر ہی
نہیں کر رہی“-
|
|
|
|
Ira کی چھینکوں میں آنے والا سب سے زیادہ دیر کا وقفہ بھی صرف 25 منٹ کا
تھا- Ira اپنی اس پراسرار بیماری کی وجہ سے گھر سے باہر جانے سے بھی گریز
کرتی ہے-
|