کراچی۔ اعلیٰ ثانوی تعلیمی بورڈ کراچی کے ناظم امتحانات محمد عمران خان
چشتی نے انٹرمیڈیٹ سائنس پری میڈیکل، میڈیکل ٹیکنالوجی اور ہوم اکنامکس
گروپس کے سالانہ امتحانات برائے 2016ء کے اسکروٹنی فارم جمع کروانے کیلئے
تاریخوں کا اعلان کردیا ہے۔ محمد عمران خان چشتی کے مطابق تینوں گروپس کے
اسکروٹنی فارم متعلقہ سیکشن سے ضروری تصدیق کے بعد بروز پیر 19 ستمبر 2016ء
سے بروز بدھ 19 اکتوبر 2016ء تک انٹربورڈ میں واقع بینک برانچ میں جمع
کرائے جاسکتے ہیں، تاریخ گزرنے کے بعد اسکروٹنی فارم قابل قبول نہیں ہوں گے۔
محمد عمران خان چشتی نے مزید بتایا کہ انٹرمیڈیٹ سائنس پری میڈیکل، میڈیکل
ٹیکنالوجی اور ہوم اکنامکس گروپس کے ریگولر امیدواروں کی مارکس شیٹس کالجوں
کو روانہ کردی گئی ہیں، ریگولر طلباء اپنے کالجوں سے مارکس شیٹس حاصل
کرسکتے ہیں جبکہ پرائیویٹ امیدواروں کی مارکس شیٹس ان کی جانب سے دیئے گئے
پتوں پر روانہ کردی گئی ہیں۔