آرکٹک لومڑی یعنی قطب شمالی کی لومڑی کے بارے میں عام
لومڑیوں کے مقابلے میں بہت کم جانتے ہیں- آرکٹک لومڑی ناقابلِ یقین
صلاحیتوں کی مالک ہوتی ہے لیکن اسے عام طور نظر انداز کر دیا جاتا ہے- لیکن
ہمارا آج کا یہ آرٹیکل آپ کو انہی حیرت انگیز صلاحیتوں کے بارے میں بتائے
گا اور آپ کی معلومات میں اضافے کا باعث بنے گا-
|
|
آرکٹک لومڑی ( arctic fox ) یعنی قطب شمالی کی لومڑی کو
کئی ناموں سے جانا جاتا ہے- اس لومڑی کو white fox, polar fox یا snow fox
بھی کہا جاتا ہے-
|
|
آرکٹک لومڑیاں انتہائی سرد خطوں میں پائی جاتی ہیں اور یہ گرمی کے
تبادلے کا ایک حیرت انگیز نظام رکھتی ہیں-
|
|
عام طور پر لوگ سمجھتے ہیں کہ ان خاص لومڑیوں کا رنگ سفید ہوتا ہے جبکہ
حقیقت یہ ہے کہ موسمِ گرما میں جب برف پگھل جاتی ہے تو ان کی کھال کا رنگ
سیاہ نما ہوجاتا ہے اور یہ ماحول میں ڈھل جاتی ہیں-
|
|
ان لومڑیوں کی رنگ بدلتے کی صلاحیت بہت جدید ہوتی ہے٬ ایسے مقامات جہاں برف
مکمل سفید نہیں ہوتی وہاں ان کی کھال کا رنگ بھی سرمئی ہوجاتا ہے-
|
|
آرکٹک لومڑیاں زیرِ زمین ایسی گہرائیوں میں رہائش اختیار کرتی ہیں جو صدیوں
پرانی ہوتی ہیں- ان گہرائیوں کو لومڑیوں کی متعدد نسلیں استعمال کرتی ہیں-
سرنگوں کا یہ نظام انتہائی وسیع ہوتا ہے-
|
|
یہ لومڑیاں جسم میں چربی کا ذخیرہ بہت تیزی سے کرتی ہیں کیونکہ قطبی خطوں
میں گرم موسم بہت کم وقت کے لیے رہتا ہے- لیکن ان کے بچوں کے لیے اکثر پہلا
موسمِ سرما ہی مہلک ثابت ہوجاتا ہے-
|
|
آرکٹک لومڑیاں تقریباً ہر شے کو اپنی خوراک بنا لیتی ہیں- چوہوں سے لے کر
پرندوں تک اور مچھلی سے لے کر بیریز تک ہر چیز ان کی غذا میں شامل ہوتی ہے-
|
|
جب شکار کا معاملہ ہو تو یہ لومڑیاں برف کی موٹی تہوں
کو بھی توڑنے کی صلاحیت رکھتی ہیں- ایسا کرنے کے لیے ہوا میں بلند چھلانگ
لگاتی ہیں اور اپنے سر کو پہلے برف میں داخل کردیتی ہیں-
|
|
جب غذا دستیاب نہ ہو تو یہ لومڑیاں اپنے میٹابولک نظام
کی شرح کو نصف کرنے میں بھی کامیاب ہوجاتی ہیں جس سے یہ اپنی توانائی کو
بچا سکتی ہیں-
|
|
آرکٹک لومڑیاں عام طور پر برفانی ریچھوں کا شکار بنتی ہیں لیکن کینیڈا میں
ان دونوں جانوروں کے درمیان طاقتور دوستی کی مثالیں بھی قائم ہوتی دیکھی
گئی ہیں- |