وہ پرکشش جانور جن کے بارے میں آپ نہیں جانتے

ہماری یہ دنیا ہزاروں اقسام کے جانوروں سے بھرپور ہے- ان جانوروں میں سے کچھ اچھے ہیں٬ کچھ برے ہیں اور کچھ خوبصورت ہیں- لیکن یہ بھی حقیقت ہے کہ تمام خوبصورت دکھائی دینے والے جانور بےضرر نہیں ہوتے-بعض اوقات یہ انتہائی خطرناک بھی ثابت ہوتے ہیں- تاہم ہم یہاں آپ کو آج صرف وہ پرکشش اور خوبصورت جانور دکھائیں گے جو پہلے آپ نے شاید ہی کبھی دیکھے ہوں-
 

Pika
یہ جانور دیکھنے میں تو چوہوں کی مانند لگتا ہے لیکن درحقیقت اس کا تعلق خرگوشوں سے ہے- اسے lagomorphs کے طور پر بھی جانا جاتا ہے- دنیا میں اس جانور کی 29 اقسام پائی جاتی ہیں-

Tanuki
اگرچہ مشرقی ایشیا میں پایا جانے والا یہ جانور raccoon مشابہہ ہے لیکن اس کا زیادہ گہرا تعلق بھیڑیوں سے ہے- جاپان میں یہ مقبول ہیں کیونکہ یہ وہاں عام دکھائی دیتے ہیں جس کی وجہ ان کی موٹی اور بہت زیادہ بالوں والی کھال ہے-

Potto
چھوٹا٬ غیر معمولی اور بڑی آنکھوں کا مالک یہ جانور دنیا بھر کے برساتی جنگلات میں پایا جاتا ہے- عام طور پر یہ جانور کچھ سست واقع ہوا ہے لیکن اس کی دلچسپ شکل کسی کو بھی اپنی جانب متوجہ کرنے کی صلاحیت رکھتی ہے-

Lizuna
یہ ایک بہت ہی خوبصورت جانور ہوتا ہے جو مکمل طور پر سفید ہوتا ہے اور انتہائی معصوم لگتا ہے- ہر کوئی اسے اپنا پالتو جانور بنانا چاہتا ہے- یہ جاپان کے Hokkaido نامی جزیرے پر پایا جاتا ہے-

Gobi jerboa
یہ چھوٹے چوہے ہوتے ہیں جو سخت ماحول میں بھی رہ سکتے ہیں- صحرائے گوبی جیسے مقامات ان کا گھر ہوتے ہیں- یہ چوہا 2 سے 6 انچ تک بڑا ہوسکتا ہے جبکہ اس کا وزن 1 اونس سے بھی کم ہوتا ہے- بنیادی طور پر یہ پناہ گاہ کے لیے خود کو مٹی کے نیچے دفن کرلیتے ہیں-

Irrawaddy Dolphin
یہ خاص ڈولفن جنوب مشرقی ایشیا کے پانیوں میں پائی جاتی ہے اور مسلسل پانی سے لطف اندوز ہوتے ہوئے دکھائی دیتی ہے- بدقسمتی سے یہ ڈولفن معدومی کے خطرے سے دوچار ہے اور دنیا میں اب یہ 78 سے 91 کی تعداد میں باقی رہ گئی ہیں-