زمین پر سونے کا رواج نیا نہیں ہے٬ اس عمل کے کئی ایسے
حیران کن فوائد ہیں جن سے ہم کسی لکڑی کے بستر (bed) پر سونے کی صورت میں
محروم ہوجاتے ہیں- زمین پر سونا اور جاگنا آپ کے دماغ کو صاف اور تازگی کا
احساس بخشتا ہے اور آپ کو ہر قسم کے دائمی امراض سے محفوظ رکھتا ہے-
|
|
متعدد ثقافتوں میں زمین پر سونے کو ترجیح دی جاتی ہے جس کی کئی بہترین
وجوہات ہیں- زمین پر سونا آپ کی ریڑھ کی ہڈی کی کارکردگی میں بہتری لاتا ہے
اور ساتھ ہی جسم میں خون کی گردش کو بھی فروغ ملتا ہے جس سے صحت مند زندگی
گزارنے میں مدد ملتی ہے- زیادہ تر جاپانی باشندے اب بھی زمین پر ہی سوتے
ہیں-
بیڈ پر سونے کی صورت میں آپ کو اپنی جسمانی ساخت کے مطابق تکیہ اور میٹریس
درکار ہوتا ہے جو آپ کو رات بھر پرسکون رکھے لیکن زمین پر سونا آپ کو ان
تمام پابندیوں سے آزاد رکھتا ہے- آپ زمین پر جیسے چاہیں سو سکتے ہیں اور
ماہرین کے مطابق یہ آزادی آپ کو پرسکون نیند فراہم کرتی ہے- اس عمل سے آپ
کے جسم اور دماغ کے درمیان رابطہ بھی مضبوط ہوتا ہے-
|
|
زمین پر سونے سے آپ کی جسمانی گھڑی اپنے تمام امور بہترین انداز میں
سرانجام دینے کے قابل ہوتی ہے- اس طرح آپ نہ صرف صبح جلدی بیدار ہوتے ہیں
بلکہ تمام دن تروتازہ بھی رہتے ہیں جس سے آپ کی پیداواری صلاحیتوں پر مثبت
اثرات مرتب ہوتے ہیں-
اس کے علاوہ زمین پر سونا آپ کے جسم میں متوازن توانائی بھی فراہم کرتا ہے
جو کہ آپ کی صحت کو بہتر بنانے کے حوالے سے انتہائی مددگار ثابت ہوتی ہے-
آج ہر دوسرا فرد کمر درد کی شکایت کرتا نظر آتا ہے جبکہ اس مسئلے کا حل بھی
زمین پر سونے میں پوشیدہ ہے- اس مرض کے شکار زمین پر سونے والے افراد کے
کمر درد میں واضح کمی واقع ہوتی ہے- جس کی بنیادی وجہ آپ کی ریڑھ کی ہڈی کو
بہتر انداز میں آرام ملنا ہے-
اس کے علاوہ یہ عمل آپ کو کندھوں اور گردن کے درد سے بھی نجات فراہم کرتا
ہے- اور یہی درد اکثر سر درد کا سبب بھی بنتے ہیں- زمین پر سونے کی صورت
میں اس قسم کی کئی تکالیف سے محفوظ رہ سکتے ہیں-
|
|
زمین پر سونے سے آپ کے جسم میں لچک پیدا ہوتی ہے اور سختی میں کمی واقع
ہوجاتی ہے جبکہ اس کے برعکس لکڑی کے بیڈ پر سونا آپ کے پٹھوں کو سخت بناتا
ہے اور انہیں عدم توازن کا شکار بھی بنا دیتا ہے- اس کے علاوہ جسمانی دباؤ
میں بھی کمی واقع ہوتی ہے-
غرض یہ کہ زمین پر سونا ہر طرح سے فائدہ مند ہے کیونکہ اس سے آپ کو قدرتی
طریقے سے شفا حاصل ہوتی ہے- آپ اس عمل کو اپنی زندگی کا حصہ بنا کر کئی
دائمی امراض سے نجات حاصل کرسکتے ہیں اور پرسکون نیند کے ساتھ ایک صحت مند
زندگی بھی گزار سکتے ہیں-
|