بھارتی جاسوس کلبھوشن کو پکڑنےوالے کیپٹن قدیر شہید کی داستان

(Mian Khalid Jamil {Official}, Lahore)

آج سے چند روز پہلے ایک روڈ ایکسیڈنٹ میں شہید ہونے والے پاک فوج کے کیپٹن قدیر جو ہمارا ہیرو ہے اس ہیرو کے ایسے سچے کارنامے ہیں کہ پڑھ کے آپ سب حیران ہو جائیں گے- یہ انسان نہیں اک فرشتہ تھا- وطن کی مٹی کی محبت میں اس فرشتے نے خود کو مٹی مٹی کر دیا -

کیپٹن قدیر کا تعلق ایک بہت بڑے ڈمیندار گھرانے سے تھا- خود کیپٹن قدیر 300 ایکٹر قابل کاشت اراضی کا ذاتی مالک تھا سونے کا چمچمہ منہ میں لئے پیدا ہونے والا یہ جوان جب بڑا ہوا تو وطن عزیز کی حفاظت کیلئے پاک فوج میں بھرتی ہوگیا-

اس کے رشتے داروں نے اس پر طنز کیا کہ جب روپیہ پیسہ کی گھر میں ریل پیل ہے تو نوکری کرنے کی کیا ضرورت ہے تنخواہ پر نوکر بن رہے ہو- یہ سن کر کیپٹن قدیر کا خون جوش مارنے لگا اور چیخ کر کہا فوجی تنخواہ کے لیے بھرتی نہیں ہوتا ہے فوجی تو وطن عزیز کی حفاظت کی خاطر بنتے ہیں اور میں اس ملک پر اپنا تن من دھن سب قربان کر دوں گا-

یہی جذبہ لے کر یہ نوجوان فوج میں سیکنڈ لیفٹینٹ بھرتی ہوتا ہے مقابلہ کا امتحان پاس کر کے اور ترقی کر کے کیپٹن بن جاتا ہے- اس کا جذبہ دیکھ کر اسے خفیہ ایجنسی ملٹری انٹیلی جینس میں بھیج دیا جاتا ہے جہاں پر مزید اسے بلوچستان خفیہ مشن پر بھیج دیا جاتا ہے-

اس کے ذمہ مشن لگتا ہے کہ بلوچستان میں را کا نیٹ ورک تلاش کرنا ہے اور دہشتگردوں کو ختم کرنا ہے - را کے نیٹ ورک کو تلاش کرنے کے لئے مٹی کی محبت میں یہ جنونی انسان جس نے اپنی ساری جوانی نرم گرم بستروں پر گزاری جہاں گھر میں نوکر چاکر کی بھرمار تھی ایک ایک چیز بستر پر نوکر چاکر آرڈر کر کے لے آتے تھے-

مگر آفرین آفرین اس شیر دل ہیرو پر کہ اپنے دیس کو دشمنوں سے بچانے کے لئے یہ جنونی کوڑا چننے والا بن جاتا ہے اور پورے تین سال یہ جنونی بلوچستان کے مخلتف شہروں میں فقیر بن کر کوڑا چنتے چنتے گزار دیتا ہے- اس کا بستر بھی کوڑا کرکٹ کا ڈھیر وہی اس کا کھانا پینا سخت ترین سردیوں میں یہ جنونی ایک انتہائی بدبودار پھٹے پرانے کمبل میں کھلے آسمان تلے گزارتا ہے صرف دیس کی حفاظت کیلئے -

آخر اس کی محنت رنگ لاتی ہے اور یہ را کے بہت بڑے نیٹ ورک کلبھوشن تک پہنچنے میں کامیاب ہوجاتا ہے-

جی ہاں دوستو کلبھوشن جیسے مشہور ومعروف دہشتگرد کو پکڑنے کے پیچھے اس جنونی مار خور کیپٹن قدیر کی تین سال کی محنت ہوتی ہے اور اس ماہ رمضان کے آغاز میں سلمان نامی دہشت گرد جس کو مارتے مارتے ہمارے کرنل سہیل خود شہید ہوگئے تھے اس کی اطلاع دینے والا بھی یہی مار خور تھا-

آج بلوچستان میں جو امن وامان قائم ہوا ہے تو اس کے پیچھے اس جنونی نوجوان کا بہت بڑا کردار ہے- کیپٹن قدیر کے اتنے بڑے بڑے کارنامے ہیں کہ لکھنے کے لئے کتابیں کم پڑ جائیں- یہ کیسا انسان تھا 300 ایکڑ اراضی کا مالک شخص کس طرح 3 سال کوڑا چننے والا فقیر بنا رہا کس طرح بدبودار کمبل میں اس نے 3 سال گزار دیے- ایسے لوگ انسان ہرگز نہیں ہوسکتے یہ فرشتہ تھا-

ہم جیسے نام نہاد حب الوطنی کے دعویدار ایک رات بھی کوڑا کرکٹ کے ڈھیر پر نہیں گزار سکتے- مگر اس شخص نے ہم پاکستانیوں کو سکھ امن دینے کی خاطر اپنے گھر کے نرم گرم بستروں کو لات مار دی-میری فوج کو طعنے دینے والو! یہ ایک امیر کبیر شخص تھا دولت اس کے گھر کی لونڈی تھی-

مگر یہ پاکستان کی خاطر فوجی بنا اور فوجی تنخواہ کے لئے نہیں بنتے فوجی تو مجاہد ہوتے ہیں جو وطن عزیز کی خاطر بنتے ہیں-

شہید کیپٹن قدیر میرے ہیرو میرے پاس تیری تعریف کے لئے الفاظ نہیں ہیں تو عظیم ہے-

ہاں اتنا کہتا ہوں شہید کیپٹن قدیر جیسے مجاہدوں کے مٹی سے اٹے بوٹ چومنا آنکھوں سے لگانا میرے لیے بہت بڑی سعادت کا درجہ رکھتا ہے- میرے پیر ومرشد میری فوج ہے میرے شہید ہیں-

کیپٹن قدیر شہید آپ کے کارنامے تاریخ میں سنہری الفاظ میں لکھے جائیں گے- خاص طور پر کلبوھشن کو پکڑنے کے لئے جس طرح تو نے 3 سال کوڑا کرکٹ کے ڈھیر پر گزار دیے-

اے پاک فوج کے شہیدو ہم پاکستانی تمہارے احسان مند ہیں- ہم یاد رکھیں گے مت سمجھو ہم نے بھلا دیا شہید تم سے یہ کہ رہے ہیں لہو ہمارا بھلا نہ دینا-

بار بار میرے سامنے کیپٹن قدیر کی کوڑا کرکٹ والی تصویر گھومتی رہی- مٹی سے اٹے پاؤں میلے کچیلے پھٹے کپڑوں میں بھی اس کی آنکھوں میں ایک چمک ہے چیتے جیسی چمک شہزادہ لگ رہا ہے-

وطن کی مٹی گواہ رہنا وطن عزیز کی خاطر ہم نے کیسے کیسے خوبصورت شہزادے قربان کیے -پاکستانیوں قدر کرو اپنے شہیدوں کی اپنی فوج کو عزت دو اور فوج کے شانہ بشانہ کھڑے ہو جاؤ - اگر فوج کے شانہ بشانہ کھڑے نہ ہوئے تو یاد رکھنا پاکستان دشمنوں!
داستان تک نہ ہوگی تمہاری داستانوں میں
پاک فوج زندہ باد
پاکستان پائندہ باد

Email
Rate it:
Share Comments Post Comments
07 Jun, 2018 Total Views: 20094 Print Article Print
NEXT 
Reviews & Comments
میاں خالد جمیل صاحب! آپکا پاک مسلح افواج سے محبت کا ہمیشہ اظہار کرنےپر سلام پیش کرتے ہیں۔۔ اس سلسلے کو جاری رکھیئے اور نئی نسل کو آئندہ پاکستان دشمنوں سے بچانے اور انہیں پاکستان دشمنوں کے مذموم ارادوں سے باخبر رکھنے کیلئے اس سلسلے کو جاری و شاری رکھیں۔۔ اللہ تعالیٰ آپکو سلامت رکھے۔
پاک مسلح افواج زندہ باد

پاکستان پائندہ باد
By: Wafadaae Hain Hum, Lahore on Jun, 10 2018
Reply Reply
3 Like
Well done Captain Qadeer, We feel proud on your great bravery. " The Markhoor "
Pakistan ZindahAbad
Pak Army Zindahabad
By: waseem ahmed, KARACHI on Jun, 10 2018
Reply Reply
2 Like
Captain Qadeer Zinda Abad
Allah already given you a big big gift.
I know you no need our pray.
Pak force paindabaad
By: Usman Ghani, Abu Dhabi on Jun, 09 2018
Reply Reply
2 Like
we feel proud
By: Rana saqib, sheikhupura on Jun, 08 2018
Reply Reply
2 Like
اللہ درجات بلند فرمائے سلام ہے ان جنت کے شہزادوں کو زندہ باد وہ ملک جس کے لیئے یہ جذبے جوان ہیں اور جانیں نثار اللہ زور قلم اور دے جزاک اللہ
By: Haya Ghazal, Karachi on Jun, 08 2018
Reply Reply
5 Like
Well done Captain Qadeer, We feel proud on your great bravery. " The Markhoor "
By: Noman, Karachi on Jun, 07 2018
Reply Reply
7 Like
Post your Comments Language:    
Type your Comments / Review in the space below.
Captain Qadeer of Military Intelligence died today while trying to get home from an undercover duty to see his 3 months old sick baby daughter...This nation cannot even begin to imagine how much these sons sacrifice for this ungrateful nation.
MORE ON ARTICLES
MORE ON HAMARIWEB