بیلجیم کے بادشاہ Leopold دوئم سے تعلق رکھنے والا گھر اب
410 ملین ڈالر کی قیمت میں فروخت ہونے جارہا ہے- Villa Les Cedres نامی یہ
وِلا فرانس میں واقع ہے اور اگر یہ گھر اسی قیمت پر فروخت ہوجاتا ہے تو یہ
دنیا کا سب سے مہنگا ترین گھر ہوگا-
|
|
187 سال پرانے اس گھر کی خوبصورت تصاویر اس کی دلکشی اور اعلیٰ اور نفیس
انداز میں کی گئی تزئین و آرائش کو بھرپور بیان کرتی دکھائی دیتی ہیں-
یہ گھر Marnier-Lapostolle فیملی نے بادشاہ کے انتقال کے 15 سال بعد 1924
میں خرید لیا تھا-
|
|
|
|
اس گھر کو 1830 میں تعمیر کیا گیا جبکہ اسے 1850 میں فروخت کیا گیا اور اسے
زیتون کے درختوں کے فارم کے طور پر استعمال کیا گیا-
اس گھر میں 14 کمروں کے علاوہ اولمپک سائز کا حامل سوئمنگ پول بھی قائم ہے
جبکہ قریب میں واقع سمندری ساحل اس گھر کو مزید پرکشش بناتا ہے-
|
|
|
|
یہ گھر متعدد تالابوں٬ مجسموں اور جانوروں کا بھی مالک ہے-
گھر میں واقع باغ یورپ کے سب سے خوبصورت ترین باغات میں سے ایک ہے جس میں
35 ایکڑ پر پھیلے لان٬ 15 ہزار پودے کچھ گرین ہاؤسز موجود ہیں جو کہ نایاب
پودوں پر مشتمل ہیں-
|
|
|
|
اس دلچسپ جائیداد میں ایک بال روم اور ایک ایسا اصطبل بھی واقع ہے جہاں 30
گھوڑے رکھے جاسکتے ہیں-
گھر کے ڈرائنگ روم میں موجود قدیم فرنیچر اور خوبصورت فانوس دیکھنے سے تعلق
رکھتا ہے- اس کے علاوہ گھر کے دوسرے کمرے میں چمنی اور بڑی بڑی فرانسیسی
کھڑکیاں نصب ہیں جو کہ ٹیرس میں کھلتی ہیں-
|
|
|
|
گھر کے کئی کمروں میں موجود کھڑکیوں سے فرانس کے خوبصورت سمندری ساحل Cote
d'Azur کا دلکش نظارہ بھی کیا جاسکتا ہے- گھر کے بیڈرومز کو مختلف پرکشش
پینٹنگز سے سجایا گیا ہے-
اس گھر کے پڑوسی معروف شخصیات ہیں جن میں برطانوی کمپوزر Andrew Lloyd
Webber اور ٹیکنالوجی ٹائیکون Paul Allen ہیں-
|
|
|
|
مشرقِ وسطی اور شمالی افریقہ کے چند خریداروں کی جانب سے اس گھر کو خریدنے
کے حوالے سے دلچسپی ظاہر کی گئی ہے-
|