فلوریڈا سے تعلق رکھنے والا ایک ایسا دھوکے باز شخص ایک
دلچسپ غلطی کی وجہ سے پکڑا گیا جو کہ خود کو امیر ترین سعودی شہزادہ ظاہر
کرتا تھا اور کاروبار کے نام پر دنیا بھر کے امیر ترین سرمایہ کاروں سے
لاکھوں ڈالر کی رقم لوٹ چکا تھا-
|
|
حقیقی معنوں میں اس شخص کی دھوکہ دہی سے پردہ ہٹانے میں مذہبِ اسلام کا سب
سے اہم کردار رہا- جی ہاں ایک بزنس میٹنگ کے دوران وہ اشیاﺀ کھانا شروع
کردیں جو مذہبِ اسلام میں مسلمانوں کے لیے حرام قرار دی گئی ہیں- اس واقعے
کی تفصیل کیا ہے٬ آئیے جانتے ہیں:
Anthony Gignac کولمبیا میں پیدا ہوا اور اسے مشی گن سے تعلق رکھنے والے
ایک خاندان نے گود لے لیا- انتھونی نے سال 2015 میں سرمایہ کاری کے نام پر
ایک جعلی کمپنی قائم کی جو کہ دنیا بھر کے کاروباروں میں سرمایہ لگانے کی
پیش کش کرتی تھی- دو سال تک انتھونی نے مختلف ناموں اور روپ کا استعمال
کرتے ہوئے خود کو ایک امیر ترین سعودی شہزادہ ظاہر کیا اور اس دوران اس نے
8 ملین ڈالر لوٹے اور دنیا بھر کے 26 افراد اس کا شکار بنے-
|
|
اپنے مقصد میں کامیابی کے لیے انتھونی نے اشیاﺀ کی نیلامی کی ایک معروف ویب
سائٹ سے مختلف ناموں پر مشتمل جیسے کہ “ سلطان “ وغیرہ کی سفارتی نختیاں
خریدیں اور اسے اپنے ان گھروں یا مینشن کے باہر لگا دیا جہاں وہ متاثرین سے
کاروباری ملاقاتیں کرتا تھا- ان تختیوں کو دیکھ کر متاثرین نے انتھونی کو
حقیقی شہزادہ مان لیا-
سال 2015 سے 2017 تک انتھونی کا یہ جعلی کاروبار دلچسپی کے ساتھ قائم رہا-
اس کے بینک اکاؤنٹ میں لاکھوں ڈالر تھے٬ اس کے علاوہ وہ کئی مہنگی ترین
گاڑیوں٬ زیورات اور جائیداد کا مالک رہا- انسٹا گرام پر بھی انتھونی شاہانہ
طرز زندگی کو پسند کرتا لیکن وہاں جو تصاویر پوسٹ کی جاتیں ان میں انتھونی
کا چہرہ کم ہی دکھائی دیتا تھا-
|
|
انتھونی نہ صرف متاثرین کو شاہانہ طرز زندگی خواب اور سبز باغ دکھاتا بلکہ
خود کو سعودی شاہی خاندان کا رکن بھی بتاتا جو کہ صرف خاص کاروباری معاہدے
طے کرتا ہے اور ساتھ ہی متاثرین کو مزید مرعوب کرنے کے لیے ان کے سامنے
ضمانت کے طور پر بینک آف دبئی کے جعلی خطوط بھی پیش کرتا-
انتھونی کی یہ چالبازیاں اس وقت تک کام کرتی رہیں جب تک کہ اس کا سامنا
میامی رئیل اسٹیٹ ڈویلپر Jeffrey Soffer سے نہ ہوا تھا- جیفری Turnberry
Associates سے تعلق رکھتے تھے- انتھونی نے جیفری کو بھی ہوٹلوں میں بھاری
سرمایہ کاری کی پیشکش کی- تاہم کاروباری میٹنگ کے دوران بعض مواقع پر جیفری
کے دل میں انتھونی کے حوالے سے شکوک پیدا ہوگئے-
|
|
جیفیری نے ایک خاص چیز نوٹ کی کہ انتھونی نے مختلف اوقات کے کھانوں کے دوران
زیادہ تر ان جانوروں کے گوشت سے بنی اشیاﺀ کھائیں جو کہ مذہبِ اسلام میں حرام
قرار دی گئی ہیں اور جیفیری اس بات سے بخوبی واقف تھا- اور مسلمان شہزادہ وہ
کام کر رہا ہے جو مذہب اسلام کے خلاف ہیں- اس بات نے جیفیری کے شک کو یقین میں
بدل دیا اور اس نے ہوٹل کی انتظامیہ سے تحقیقات کی درخواست کی جس میں انتھونی
کے جعلساز اور دھوکے باز ہونے کا انکشاف ہوا-
جیفیری نے متعلقہ حکام کو آگاہ کیا اور یوں نومبر 2017 میں انتھونی کو گرفتار
کرلیا گیا- انتھونی کے پاس سے کئی جعلی بزنس کارڈز اور مختلف اعزازی ناموں
سلطان٬ اور شہزادہ پر مشتمل تختیاں بھی برآمد ہوئیں- اس کے علاوہ غیرقانونی
کریڈٹ کارڈز اور جعلی دستاویزات بھی برآمد کی گئیں- |