|
عیدالاضحیٰ کی تمام تر رونق خوبصورت اور پرکشش جانوروں سے
ہوتی ہے- لیکن ایک حقیقت یہ بھی ہے کہ عیدالاضحیٰ کا پہلا دن صبح جاگنے کے
بعد سے لے کر رات سونے سے پہلے تک دیگر تہواروں کے مقابلے میں انتہائی
منفرد واقع ہوتا ہے- جی ہاں عیدالاضحیٰ کے پہلے دن چند دلچسپ چیزیں ہر کسی
کے ساتھ ضرور ہوتی ہیں-
|
|
|
عیدالاضحیٰ کی صبح گھر کے بڑے اپنے جانور کو قربانی سے قبل آخری مرتبہ ضرور
دیکھنے کے لیے جمع ہوتے ہیں-
|
|
|
بچوں کے لیے یہ کسی حد تک دکھی تہوار بھی ہوتا ہے کیونکہ انہیں معلوم ہوتا
ہے کہ آج ان کا پیارا جانور ذبح ہوگا- بعض بچے تو روتے ہوئے دن گزار دیتے
ہیں-
|
|
|
ہر اس گھر کے باہر ہجوم ضرور لگ جاتا ہے جہاں قصائی کسی بڑے جانور یا اونٹ
کو ذبح کرنے کی تیاری کر رہے ہوتے ہیں- یہ بھی ایک دلچسپ صورتحال ہوتی ہے-
|
|
|
اس روز ہر ایک کو ایک اہم شخص کی شدت سے تلاش ہوتی یا انتظار ہوتا ہے اور
وہ ہے “ قصائی “ جو کسی کا بھی وقت پر نہیں آتا- یہاں تک کہ موسمی قصائی
بھی ہاتھ مشکل سے آتے ہیں-
|
|
|
جانور ذبح ہونے کے بعد سب سے مشکل مرحلہ گوشت کو رشتہ داروں میں تقسیم کرنے
کا ہوتا ہے- ایسے میں گھر کے مختلف افراد دلچسپ طریقے سے الگ الگ راستوں کو
آپس میں بانٹ لیتے ہیں اور اپنے راستہ میں آنے والے رشتہ داروں کو گوشت
پہنچاتے ہیں-
|
|
|
جانور کے ذبح ہوتے ہی گھر کا ہر فرد اس انتظار میں ہوتا کہ اب اس گوشت کا
جلد ہی کوئی لذیز کھانا تیار کر کے ان کی بھوک مٹائی جائے-
|
|
|
ایک دلچسپ چیز یہ بھی ہوتی ہے کہ عید سے قبل جو بکرا ہمیں معصوم اور پیارا
لگتا ہے وہ عید کے دن ہمیں انتہائی مزیدار اور ذائقے دار معلوم ہوتا ہے-
|
|
|
|
ایک دلچسپ صورتحال خاتونِ خانہ کے ساتھ بھی اس وقت پیش آتی ہے جب ان کا عید
سے قبل سلم اور اسمارٹ دکھائی دینے والا ریفریجریٹر عید کے دن وزن میں
اضافے کی شکایت کرتا نظر آتا ہے- اور خواتین پھر بھی اس میں مزید گوشت
رکھنے کی کوشش کررہی ہوتی ہیں- |