پانچ بیش قیمت اشیا جو اب تک لاپتہ ہیں

مشہورِ زمانہ فلم 'وزرڈ آف آز' کی ہیروئن جوڈی گارلینڈ نے شوٹنگ کے دوران جو جوتے پہنے تھے، وہ چوری ہونے کے 13 برس بعد اب بازیاب ہو گئے ہیں۔
 

یہاں سوال اٹھتا ہے کہ وہ کون سی مشہور اور بیش قیمت چیزیں ہیں جو اب بھی گمشدہ ہیں؟

اسی بارے میں

سیزان کی پینٹنگ
31 دسمبر 1999 کو آکسفرڈ میں نئے سال کی تقریبات جاری تھیں کہ کوئی شہر کے ایشمولین میوزیم میں داخل ہوا اور شہرہ آفاق فرانسیسی مصور سیزان کی ایک پینٹنگ اٹھا کر چلتا بنا۔
 

یہ پینٹنگ 1879 اور 1882 کے درمیان بنائی گئی تھی اور اس کی مالیت 30 لاکھ پاؤنڈ کے لگ بھگ ہے۔ اس کے چور کا آج تک سراغ نہیں لگ سکا اور نہ ہی تصویر کا کچھ پتہ چل پایا ہے۔

تاریخی تلوار
یہ تلوار جاپان کے ماہر کاریگر ماسامونے نے 14ویں صدی میں تیار کی تھی اور اسے 1939 میں قومی خزانہ قرار دیا گیا تھا۔

کہا جاتا ہے کہ یہ تلوار آہنی خود کو دو حصوں میں کاٹ سکتی تھی اور اپنی لمبی تاریخ کے دوران یہ بادشاہوں اور سپہ سالاروں کے استعمال میں رہی ہے۔

لیکن آج کوئی نہیں جانتا کہ یہ تلوار کہاں ہے۔

بعض لوگوں کے خیال میں شاید دوسری جنگِ عظیم میں جاپان کی شکست کے بعد اسے امریکی فوجی ساتھ لے گئے تھے، لیکن اس کی تصدیق نہیں ہو سکی۔

نایاب وائلن
آسٹریا کی وائلن نواز ایریکا مورینی ان کے والد نے 1939 میں1727 میں بنائے جانے والا بیش قیمت سترادیواریس وائلن تحفے میں دیا۔