سینکڑوں خوفناک جانوروں کے ساتھ رہنے والا شخص٬ کیسے؟

کیا آپ کسی ایسے گھر میں رہائش اختیار کرنے کا تصور کرسکتے ہیں جہاں آپ کے علاوہ سینکڑوں رینگنے والے خطرناک جانور بھی موجود ہوں- یقیناً نہیں کیونکہ ایسا سوچنا بھی آپ کو خوف میں مبتلا کرسکتا ہے-
 

image


لیکن ایک فرانسیسی شخص ایسا بھی ہے جس نے حقیقت میں اپنے گھر کے اندر 400 خوفناک رینگنے والے جانور پال رکھے ہیں اور اس کی زندگی ایک ہی چھت کے نیچے ان خطرناک جانوروں کے ساتھ گزر رہی ہے-

مغربی فرانس کے Loire نامی دریا کے کنارے واقع ایک گھر میں کافی ٹیبل پر آپ کو زندہ کوبرا سانپ دکھائی دیتا ہے تو گھر کے گارڈن 50 کلوگرام وزنی کچھوا- بیڈروم میں جائیں تو وہاں گھر کے مالک کے بستر پر سویا 7 فٹ لمبا مگرمچھ نظر آتا ہے جبکہ دیگر جانور بھی گھر کے مختلف حصوں میں دکھائی دیتے ہیں-
 

image

67 سالہ Philippe Gillet نے دو دہائیوں کے دوران 400 سے زائد ایسے رینگنے والے جانور جمع کیے ہیں جنہیں دیکھتے ہی انسان خوف میں مبتلا ہوجاتا ہے اور اس میں سے بعض جانور تو انتہائی خطرناک اور مہلک ہیں- یہ جانور مختلف اقسام کے سانپوں٬ مکڑیوں٬ مگرمچھوں اور چھپکلیوں پر مشتمل ہیں-
 

image

فلپ کا کہنا ہے کہ “ گھر میں موجود دو مگرمچھوں کو ایک چمڑے کے فارم سے ریسکیو کیا گیا تھا جبکہ باقی جانور پالتو ہیں جو یا تو عطیہ کیے گئے ہیں یا پھر مختلف مقامات سے دریافت ہوئے ہیں“-

مگرمچھوں کو اپنے ہاتھوں سے چکن کھلاتے ہوئے فلپ کا کہنا تھا کہ “ ہم جس طریقے سے ان جانوروں کو رکھتے ہیں وہ خوفناک نہیں ہے کیونکہ درحقیت اکثر لوگ انہیں سمجھتے نہیں ہیں“-
 

image


“ ہم انہیں جانتے نہیں ہیں٬ ہم ان سے نفرت کرتے ہیں٬ ہمارے خیال میں یہ خوفناک ہیں- لیکن جب آپ ان کے بارے میں جان جاتے ہیں تو آپ انہیں پاس بلا سکتے ہیں اور انہیں کھلا بھی سکتے ہیں“-

فلپ کے پاس ان جانوروں کو رکھنے اور دوسرے مقامات پر لے جانے کے ضروری اجازت نامے موجود ہیں- فلپ ایسے شوز بھی منعقد کرتے ہیں جہاں ان جانوروں کے بارے میں آگہی فراہم کی جاتی ہے اور شوز میں یہ جانور بھی موجود ہوتے ہیں-

 

YOU MAY ALSO LIKE:

Over two decades, 67-year-old reptile enthusiast Philippe Gillet has amassed a collection of more than 400 phobia-inducing animals, including rattlesnakes, tarantulas and lizards in his home in western France near the city of Nantes.