کیا آپ جانتے ہیں کہ ان مشہور حکمرانوں کی تنخواہ کتنی ہے؟

عام طور پر لوگ اپنی تنخواہ کو راز رکھتے ہیں- یہاں تک کہ آپ کا قریبی دوست بھی شاید ہی آپ کو اپنی تنخواہ یا آمدن کے بارے بتائے- تاہم دنیا کے مختلف ممالک کے صدور یا وزرائے اعظم کی تنخواہ کوئی راز نہیں ہے- دنیا کے چںد ممالک کے مشہور حکمران کتنی تنخواہ لیتے ہیں٬ آئیے آج ہم آپ کو اپنے اس آرٹیکل میں بتاتے ہیں:

Donald Trump
امریکی صدر ڈونلڈ ٹرمپ کی سالانہ تنخواہ سالانہ 4 لاکھ ڈالر ہے لیکن وہ یہ تنخواہ وصول نہیں کرتے- ڈونلڈ ٹرمپ نے اپنے لیے سالانہ صرف 1 ڈالر مختص کر رکھی ہے- ڈونلڈ ٹرمپ ایک کامیاب بزنس مین بھی ہیں اور ان کے اثاثوں کی مالیت 3 بلین ڈالر ہے-

Petro Poroshenko
یہ یوکرین کے صدر ہیں اور ان کی سالانہ تنخواہ 12220 ڈالر ہے- یوکرین کے صدر یوکرین کی چھٹی سب سے امیر ترین شخصیت بھی ہیں- ان کے اثاثوں کی مالیت 1.3 بلین ڈالر ہے-

Xi Jinping
چینی صدر کی سالانہ تنخواہ 20593 ڈالر ہے اور وہ یہ تنخواہ سال 2015 سے وصول کر رہے ہیں- سال 2015 میں اس تنخواہ میں اس وقت 62 فیصد کا اضافہ کیا گیا تھا-

Sauli Niinistö
فن لینڈ کا شمار دنیا کے امیر ترین ممالک میں ہوتا ہے- فن لینڈ کے صدر کی سالانہ تنخواہ 146,700 ڈالر ہے-

Vladimir Putin
روسی صدر کا شمار دنیا کے بااثر ترین افراد میں ہوتا ہے- روس کے صدر ولادیمر پیوٹن تنخواہ کی مد میں سالانہ 151,032 ڈالر وصول کرتے ہیں-

Emmanuel Macron
فرانس کے نوجوان صدر کی سالانہ تنخواہ 211,530 ڈالر ہے- سیاسی کیریر کے آغاز سے قبل فرانسیسی صدر بینکنگ سیکٹر کی کامیاب شخصیت کے طور پر بھی جانے جاتے تھے-

Malcolm Turnbull
آسٹریلیا کے وزیراعظم کی سالانہ تنخواہ 403,745 ڈالر ہے- لیکن انہوں نے ڈونلڈ ٹرمپ کی طرح اپنی تنخواہ میں کمی کا فیصلہ نہیں کیا جبکہ یہ خود ایک ارب پتی اور کامیاب کاروباری شخصیت ہیں-

Narendra Modi
بھارتی وزیراعظم نریندرا مودی کی سالانہ تنخواہ 31 لاکھ روپے ہے- نریندرا مودی سال 2014 سے بھارت کے وزیراعظم ہیں اور مسلسل دوسری بار منتخب ہوئے ہیں-

Imran Khan
میڈیا رپورٹس کے مطابق پاکستانی وزیر اعظم عمران خان کی ماہانہ تنخواہ تقریباً دو لاکھ روپے ہیں جو کہ کسی بھی وفاقی وزیر کی تنخواہ سے کم ہے- ایک وفاقی وزیر کو بھی کم سے کم ماہانہ تنخواہ ڈھائی لاکھ روپے ادا کی جاتی ہے-