|
|
آم کو پھلوں کا بادشاہ کہا جاتا ہے ۔ جس طرح ہر بادشاہ کے دربار کے کچھ اصول و
ضوابط ہوتے ہیں اور ان کی پابندی اس دربار میں حاضر ہونے والے تمام افراد پر
کرنا لازمی ہوتا ہے اور ان آداب کی خلاف ورزی قابل تعزیر جرم ہوتی ہے- اسی طرح
آم جیسے بادشاہ کو بھی کھانے کے کچھ آداب ہوتے ہیں اور جو لوگ ان آداب کی تکمیل
نہیں کرتے ہیں انہیں اس کی سزا بھی بھگتنی پڑ سکتی ہے- |
|
آم کھانے کا بہترین وقت |
آم جو کہ پھلوں کا بادشاہ قرار دیا جاتا ہے یہ مثھاس اور فائبر سے
مالامال ہوتا ہے جو کہ صحیح وقت پر کھایا جائے تو جسم کو طاقت فراہم
کرتا ہے اور جسم کو صحت مند بناتا ہے ۔ ماہرین کی رائے کے مطابق آم
کھانے کا سب سے بہترین وقت وہ ہوتا ہے جب کہ انسان خالی پیٹ ہوتا ہے-
اس لیے صبح کا وقت اور شام عصرانے کا وقت آم کھانے کے لیے بہترین ہوتا
ہے ۔ |
|
تاہم آم کو کسی بھی کھانے کے بعد کھانے سے اجتناب برتنا چاہیے اور اگر
کھانے کے بعد کھانا ہو بھی تو کھانے کے ہضم ہونے کا انتظار کرنا چاہیے
یعنی کھانےکے کم از کم دو گھنٹے کے بعد کھانا چاہیے- |
|
|
|
ایک وقت میں کتنے آم کھانے چاہئیں
|
آم کو مناسب مقدار میں کھانے سے جسم کو طاقت حاصل ہوتی ہے- ماہرین کے
مطابق اگر انسان کو ذیابطیس وغیرہ جیسی کوئی بیماری نہ ہو تو وہ ایک
وقت میں تین سے چار آم کھا سکتا ہے اور اتنی مقدار میں آم صحت کا باعث
ہوتے ہیں- |
|
زیادہ آم کھانے کے نقصانات |
آم کی لذت ایسی ہوتی ہے کہ ایک بار اس کو کھانا شروع کر دیا جائے تو اس
کو کھانے سے ہاتھ روکنا ایک بہت دشوار امر ہوتا ہے اور انسان اس کو
کھاتا ہی جاتا ہے- مگر زیادہ آم کھانے سے کچھ صحت کے مسائل بھی لاحق ہو
سکتے ہیں جو کہ کچھ اس طرح ہیں- |
|
1: آم میں بڑی مقدار میں شکر موجود ہوتی ہے جو کہ ذیابطیس کے مریضوں کے
لیے تو انتہائی خطرناک ثابت ہو سکتی ہے- مگر جو اس مرض میں مبتلا نہیں
بھی ہوں ان کے خون میں بھی شوگر کی مقدار میں اضافہ ہو سکتا ہے- |
|
|
|
2: آم میں بڑی مقدار میں فائبر موجود ہوتا ہے اور زيادہ مقدار میں اس
کو کھانے سے دست لگنے کا اندیشہ ہوتا ہے- |
|
3: آم وزن بڑھانے والی غذا ہے اس کو زیادہ مقدار میں کھانے سے وزن میں
تیزی سے اضافہ ہوتا ہے اور موٹاپے کا باعث بنتا ہے- |
|
4: آم کو پکانے کے لیے کیمیکل کا استعمال کیا جاتا ہے اور اس کا زیادہ
مقدار میں کھانا جسم میں ان کیمیکل کے باعث الرجی ہونے کا خدشہ پیدا ہو
جاتا ہے- |