بار بار رات کو آنکھ کھلنا اور موت کے وقت کا آپس میں حیرت انگیز تعلق، ماہرین نے نیند اور موت میں تعلق دریافت کر لیا

کس کو کب مرنا ہے اس کے بارے میں اللہ کے علاوہ کسی کو خبر نہیں ہے مگر سائنسدان سالوں سے ان نشانیوں پر تحقیقات کر رہے ہیں جن کے بارے میں جان کر کسی بھی انسان کی موت کے وقت کے بارے میں پتہ چلایا جا سکے-

انسان کی نیند اور موت کا آپس میں تعلق

ماہرین کی 12 ہزار افراد پر کی جانے والی تحقیقات جو کہ ڈيجیٹل میڈيسن نامی ایک جریدے میں شائع کی گئی جس کے مطابق انہوں نے 12 ہزار افراد کے سونے اور اس کے دوران ان کی تحقیقات پر تفصیل سے تحقیق کی۔

سٹینفرڈ یونیورسٹی کے ایمانوئل میگنوٹ اور ان کے ساتھ موجود ماہرین کی ٹیم نے مصنوعی ذہانت کی ٹیکنالوجی کو استعمال کرتے ہوئے ایک طویل تحقیق کی اور نیند کے بار بار ٹوٹنے کے سلسلے کو نوٹ کیا اور اس کی بنیاد پر انہوں نے موت کے وقت کی پیشن گوئی کی ہے-

نیند اور انسانی صحت کا تعلق

اس بات سے تو ہر فرد واقف ہے کہ انسان کی صحت کے حوالے سے کوئی بھی خدشات ہوں تو اس سے سب سے پہلے انسان کی نیند متاثر ہوتی ہے- اس حوالے سے ثبوت کے طور پر سائنسدانوں نے یہ وضاحت پیش کی کہ جیسے کہ پارکنزم کی بیماری میں مبتلا ہونے سے پانچ سے دس سال قبل ہی سے مریض کو خوفناک خواب نظر آنے شروع ہو جاتے ہیں جو کہ بعد میں اس بیماری کی صورت میں سامنے آتے ہیں-

نیند کا ٹوٹنا موت کی پیشن گوئی کیسے کر سکتا ہے؟

اس حوالے سے ماہرین اس بات پر تو متفق ہیں کہ رات میں بار بار نیند میں خلل آنے کا براہ راست تعلق انسان کی صحت سے ہے اور خطرناک اور موذی امراض میں مبتلا ہونے سے قبل ہی نیند کا بار بار ٹوٹنا اس بیماری کی پیشن گوئی بھی ہو سکتی ہے-

مگر اس تعلق کو حتمی طور پر ایک دوسرے سے جوڑنے کے حوالے سے ان کی تحقیقات جاری ہیں اور وہ یہ امید رکھتے ہیں کہ آنے والے وقت میں وہ اس حوالے سے حتمی تعلق بھی دریافت کر لیں گے

< Previous کیا تم اس ہفتے بھی مرے تھے؟ نوجوان سے اس کی ماں ہر بار یہ سوال کیوں پوچھتی ہے NEXT > سوا سات کلو وزنی بچے کی پیدائش، مگر اس کی وجہ کیا ہے؟

Comments

03 Feb, 2023

Disclaimer: All material on this website is provided for your information only and may not be construed as medical advice or instruction. No action or inaction should be taken based solely on the contents of this information; instead, readers should consult appropriate health professionals on any matter relating to their health and well-being. The data information and opinions expressed here are believed to be accurate, which is gathered from different sources but might have some errors. Hamariweb.com is not responsible for errors or omissions. Doctors and Hospital officials are not necessarily required to respond or go through this page.