Islami Jamhoria Pakistan,
Duniya Ki 6th Bari Abadi Wala Mulk, Duniya Ki 2nd Bari Islami Riyasat, Sabsy
Gehri Bandar Gah(Gawadar), 7th Atomi Taqat Or Is Tarah K Beshumar Aizazat Hony K
Bawajud Yh Mulk Taraqqi Yafta Mumalik Ki Sif May Shamil Nahi Or Ja Baja Masaib
Ka Shikar Hai.
Mera Pakistan Kaisa Ho Or Isay Kis Tarah Ek Taraqqiyafta Mulk Banaya Ja Sakta
Hai? Tajaweez Ki Fehrist Khasi Taweel Hai Or Un Sab Ka Ahata Karna Is Muzmoon
May Taqreeban Na Mumkin Hai. Qabil Danishwaro Nay Apni Bisaat K Mutabiq Tajaweej
Paish Ki, Jo Bht Had Tak Bilkul Durust Hain Maslan Taleem Ka Yaqsa Miyar, Bad-Unwaan
Kirdaro Ka Kara Eh-Tisaab, Adal-O-Insaaf Ki Farahmi, Qaumi Yek Jehti, Muft
Taleem Ka Furogh, Dastiyab Wasail Ka Durust Aur Sahi Istimal Wgaira.
Badqisamti Say Yh Mulk Apny Shehriyo Ki Janib Say Adam Tawajah Ka Shikar Rha Hai
Is Liay Behtri Ki Behad Gunjaish Mojod Hai Ya, Yun Samjhain K Az-Sare-No Iski
Tameer Krna Hogi. Tamam Qabil Likhari Aur Danishwaro Ki Raiy Ka Ehtram Krty Hoay
Or Kisi Ki Raiy Ko Nuqsan Phnchaey Bgair Apni Zati Raiy Paish Krna Chahunga.
Meri Bisaat K Mutabiq Pakistan Ko Behtar Banany K Liay Sirf Or Sirf Aik Cheez Ki
Zrorat Hai Or Who Hai “IKHLAAS”(Diyanatdari). Meri Nazar May “IKHLAAS” In Tamam
Tajaweez Ka Nichoor Hai, Or Is Ek Kami Ko Pura Kar K Hum Apny Muqar Krda Ehdaaf
Hasil Krskty Hain.
Taraqqi Yafta Mulko K Pass Mulk Ko Khushaal Banany Or Taraqqi Per Gamzin Krny K
Liay Koi Khufia Formula Nahi Hota, Un May Or Hum Jaisay Mulko May Farq Hai Tu
Sirf Or Sirf “IKHLAAS” Ka.
Agr Ek Sarkari Afsar Pury Ikhlaas Or Naik Niyati Say Apny Faraiz Sar Anjaam Day
Tu Corruption Ki Naubat He Na Aay. Agr Voter Zati Mufaad Ko Khatir May Na Latay
Hoay Ikhlaas K Sath Vote Dalay Tu Tu Corrupt Leader Or Jageer Daar Ko Iqtidaar
May Anay Ka Mauqa Na Milay Or Mulk Loteru Say Paak Hojay. Agr Interview Layny
Wala Awla Afsar Lasaniyat Or Aqraba Parwari Say Bala Tar Ho K Diyanatdari Say
Umeedwar Muntakhib Kary Tu Merit Ko Furogh Milay Or Her Idaray May Ahel Log Apny
Mulk Ka Naam Roshan Karain. Agr Sahib-E-Iqtidaar Siyasat Daan Ikhlaas Or Naik
Niyati Say Mulk Ki Baag Door Sambhaly, Awam K Paisy Ko Zati Milkiat Na Samjhy To
“Off Shore” Companies Ki Naubat He Na Aay.
Or Awla Afsaraan He Kia, Agr Ek Adna Say Adna Shehri B Apny Roz Marah K Faraiz
May Ikhlaas Or Naik Niyati Shaamil Krly Tu Infiradi Or Ijtimayi Sateh Per Tamam
Masharti Buraiyyon Ka Khatima Hojay. Agr Hum Apni Soch Ka Zawiya Tabdeel Krlain,
Puray Pakistan Ko Apna Ghr Samjhy Or Is May Rehny Waly Logo Ko Apny Ghr Ka Fard
To Humara Mulk Sanwar Jay, Phr Humay Ja Baja Kachray K Dhair Nazar Aaingy Or Na
Gandagi, Phr Kisi Shehri Ko Yeh Darr Nahi Hoga K Jo Gosht Who Kha Raha Hai Halal
Janwar Ka Hai Ya Haram, Her Taraf Aman Bol Bala Ho Or Yh Mulk Aisi Misaal Bn Jay
K Sari Is Jaisa Bannay Ki Tamanna Kary.
Akhir May Yeh Guzarish K Humara Mulk Pakistan Sirf Tajaweez Dayny Say Nahi
Balkay Fori Amali Iqdaam Say Behter Hoga. Yh Mul Uswaqt Behter Hoga Jab Hum Isay
“APNA” Samjhain Gay, Isay “APNAIN” Gay. Agr Is Mulk Ka Her Shehri Chahy Wo Awla
Afsar Ho Ya Aam Admi, Apny Faraiz Puri Diyanatdari, Ikhlaas Or Naik Niyati Say
Anjaam Day Tu Who Din Dur Nahi K Hum Apny Piyary Watan Pakistan Ko Taraqqi Yafta
Mumalik Ki Sif May Shamil Pain Gay. Perwardigaar Humary Pakistan Ka Hami-O-Nasir
Ho.