دنیا بھر میں مختلف ڈیزائن اور رنگوں کے حامل کشتی گھر یا
ہاؤس بوٹس موجود ہیں- پانی پر بہتے ان گھروں میں کچھ وقت گزارنا سیاحوں کے
لیے یادگار بن جاتا ہے- یہ کشتی گھر ایسی تمام بنیادی سہولیات سے آراستہ
ہوتے ہیں جن کی عام انسان کو ضرورت ہوتی ہے- ہم یہاں آپ کے سامنے دنیا کے
چند عجیب و غریب کشتی گھر پیش کر رہے ہیں جو نہ تو آپ نے دیکھے ہوں گے اور
نہ ہی آپ نے کبھی ان کے بارے میں سنا ہوگا- |
Fennell Residence
لہروں کی شکل میں تعمیر کردہ اس ہاؤس بوٹ کو Robert Oshatz نامی آرکیٹیکچر
کمپنی نے 2005 میں ڈیزائن کیا- لکڑی سے تیار کردہ یہ پرکشش ہاؤس بوٹ Oregon
کے علاقے Portland میں واقع ہے- اس کے شیشوں سے نہ صرف سمندر کا خوبصورت
نظارہ کیا جاسکتا ہے بلکہ یہی شیشے سورج کی روشنی کے اندر تک آنے کا ذریعہ
بھی بنتے ہیں- اس ہاؤس بوٹ کے بالائی حصے پر باتھ روم تعمیر کیے گئے ہیں-
|
|
Hobbit houseboat
بھارتی ریاست کیرالہ میں موجود یہ ہاؤس بوٹ یا کشتی گھر روایتی اور جدید
ڈیزائن کا حسین امتزاج ہے- یہ ہاؤس بوٹ کرائے پر بھی دستیاب ہوتی ہے- اسے
روایتی انداز میں تعمیر کیا گیا ہے اور اس کی تیاری میں ایک کیل کا استعمال
بھی نہیں گیا- اس کشتی گھر کی بالائی منزل پر بیٹھ کر پانی کا پرکشش نظارہ
کیا جاسکتا ہے- کشتی گھر میں توانائی کے حصول کے لیے سولر پینل نصب ہے-
|
|
Designer canal boat
یہ لندن ہاؤس بوٹ بھی کرائے پر دستیاب ہے اور اس میں ایک رات گزارنے کا
کرایہ 500 پاؤنڈ ہے- اس خوبصورت ہاؤس بوٹ کی لمبائی 61 فٹ ہے- اس دلکش ہاؤس
بوٹ کی اندرونی تزئین و آرائش بھی انتہائی اعلیٰ اور منفرد انداز میں کی
گئی ہے- یہ کشتی گھر کئی جدید سہولیات سے بھی آراستہ ہے جس میں پیزا اوون
بھی شامل ہے-
|
|
Yellow submarine
اس غیر معمولی ہوٹل میں وقت گزارنا سیاحوں کے لیے ایک منفرد تجربے کا باعث
اور ہمیشہ کے لیے یادگار بن جاتا ہے- یہ آبدوز البرٹ نامی بندرگاہ پر
لنگرانداز رہتی ہے- اس ہوٹل میں تین بیڈروم اور ایک لاؤنج بھی موجود ہے- اس
کے علاوہ اس آبدوز ایک خاصیت یہ بھی ہے کہ آبدوز کے لاؤنج میں مشہور فلم
Quadrophenia میں استعمال ہونے والی معروف اسکوٹر بھی رکھی گئی ہے-
|
|
Floating summer house
پانی پر بہتا یہ گھر دو منزلہ ہے اور کینیڈا کی Huron جھیل میں واقع ہے- اس
گھر کے بیرونی حصے پر اتنی جگہ موجود ہے کہ وہاں آرام سے پانی سے متعلق
مختلف سرگرمیاں سرانجام دی جاسکتی ہیں- یہ کشتی گھر Cincinnati سے تعلق
رکھنے والا ایک جوڑا موسمِ گرما کے دوران استعمال کرتا ہے- اس کشتی گھر کی
تعمیر سال 2008 میں مکمل ہوئی-
|
|
Cosmic Muffin plane boat
یہ پہلا واٹر کرافٹ تھا جو کہ ایک ہوائی جہاز سے تعمیر کیا گیا- 1969 میں
ایک پرائیوٹ پائلٹ نے بوئنگ B-307 کی باڈی کو کشتی گھر میں تبدیل کر دیا-
انہوں نے یہ باڈی صرف 62 ڈالر میں خریدی تھی- اس ہوائی جہاز کو ہاؤس بوٹ
میں تبدیل کرنے میں 4 سال کا عرصہ لگا- یہ فلوریڈا کی ایک بندرگاہ کے ساتھ
موجود ہے اور سیاحوں کی توجہ کہ مرکز بنا رہتا ہے-
|
|
Former ferry
اس سابقہ فیری کو ایک کشتی گھر میں تبدیل کر دیا گیا ہے- ماضی میں یہ کشتی
یوکے سے اسکاٹ لینڈ اور Cornwall سے لندن کی طرف اکثر سفر پر نظر آتی تھی-
اب یہ ایک آرام دہ گھر کے طور پر اپنی خدمات سرانجام دے رہی ہے- اس کشتی
میں متعدد کمرے موجود ہیں جس میں ایک ڈائننگ ایریا بھی شامل ہے- |
|