|
اکثر افراد کے نزدیک ہوائی جہاز میں کھڑکی کے ساتھ والی
نشست کسی خزانے سے کم نہیں ہوتی جس کی وجہ ہزاروں فٹ کی بلندی سے کیے جانے
والے شاندار نظارے اور ان سے حاصل ہونے والا لطف ہے- لیکن چند ناقابلِ یقین
تصاویر دیکھ کر آپ سب سے بہترین نشست جہاز کے کاکپٹ میں موجود نشستوں کو
قرار دیں گے- جی ہاں دلچسپ مناظر کی یہ حیران کن تصاویر برطانیہ کی Monarch
ائیر لائن کے دو پائلٹوں فوکس پال اور اشیش راوال نے ہزاروں فٹ کی بلندی سے
دورانِ پرواز کھینچی ہیں- یہ شاندار تصاویر مختلف مقامات کی ہیں جنہیں
انسٹاگرام پر پوسٹ کیا گیا اور ہزاروں صارفین نے انہیں پسند کیا-
|
|
|
یہ شاندار اور دلچسپ تصویر کیپٹن فوکس پال نے صبح کے ابتدائی لمحات میں
کھینچی- یہ یارکشائر کے مشرقی ساحل پر واقع ایک پاور اسٹیشن کا منظر ہے-
|
|
|
انتہائی بلندی سے کیمرے میں محفوظ کیا جانے والا یہ روشنیوں بھرا نظارہ
لندن کی ایک صاف و شفاف شام کا ہے جسے پائلٹ نے ہمیشہ کے لیے قید کرلیا-
|
|
|
کیپٹن پال فوکس نے ہوائی جہاز کے کاکپٹ سے کڑکتی بجلی کی تصویر بھی کھینچی
جو کہ حقیقی معنوں میں انتہائی شاندار تصویر ہے-
|
|
|
بجلی کے اس طوفان کا ایک اور منظر جو کہ 39 ہزار فٹ کی بلندی سے دیکھا گیا-
اس ایک تصویر کے ذریعے بھی کیپٹن فوکس نے انسٹاگرام پر کئی صارفین کے دل
جیتے-
|
|
|
فرانس کے بجیرہ روم ساحل پر واقع ائیرپورٹ کی یہ شاندار تصویر جہاز میں
موجود دوسرے پائلٹ اشیش راوال نے کھینچی ہے-
|
|
|
دونوں پائلٹ نے بلند پہاڑوں کی تصاویر بھی کھینچی اور یہ انہی میں سے ایک
ہے جو دورانِ پرواز یورپی پہاڑوں کے اوپر سے کھینچی گئی ہے-
|
|
|
یہ اسپین کے Cantabrian نامی پہاڑ ہیں اور بلندیوں پر اڑنے والے جہاز سے اس
منظر کو کیپٹن فوکس نے محفوظ کیا-
|
|
|
اس دلچسپ تصویر میں موجود یہ ونڈ ٹربائن مانچسٹر میں نارتھ ویلز کے ساحل پر
نصب ہیں اور یہ تصویر بھی پال فوکس نے ہی کھیںچی-
|
|
|
پال اور اشیش کے جہاز سے کچھ فاصلے پر اڑنے والے
ایک اور جہاز کا منظر-
|
|
|
یہ میڈرڈ کا بین الاقوامی ائیرپورٹ ہے اور فضا سے اس ائیرپورٹ کی یہ تصویر
پائلٹ اشیش راوال نے کھینچی ہے-
|
|
|
یہ بہترین تصویر بھی اشیش راوال کا ہی کمال ہے اور بارسلونا شہر کا منظر ہے-
|
|
|
|
برطانیہ کے ائیر اسپیس میں داخل ہوتے ہوئے بادلوں کے اس ہجوم کی یہ دلچسپ
تصویر پائلٹ فوکس پال نے کھینچی- |