دلچسپ مقامات کے چونکا دینے والے فضائی مناظر

کبھی کبھی کیمرے کی آنکھ وہ مناظر بھی دکھا دیتی ہے جو انسانی آنکھ سے دیکھنا ناممکن ہوتے ہیں- ہم بات کر رہے ہیں فضا سے لی جانے والی چند ایسی حیرت انگیز اور چونکا دینے والی تصاویر کی جو دنیا کے مقبول اور معروف مقامات کی ہیں- مختلف مقامات کے یہ دلچسپ اور حیرت انگیز فضائی مناظر انسان کو تھوڑی دیر کے لیے اپنے اردگرد کے ماحول سے بیگانہ کردیتے ہیں-
 

Nishinoshima Volcanic Acitivity
یہ جاپان کے شہر ٹوکیو کے جنوب میں واقع ایک جزیرے پر موجود آتش فشاں پہاڑ کے پھٹنے کا منظر ہے جس کی یہ تصویر فضا سے کھینچی گئی ہے- اس آتش فشاں پہاڑ نے نومبر 2013 میں لاوا اگلنا شروع کیا اور اگست 2015 تک مسلسل اس سے دھویں نکلتے رہے-

The Empty Quarter
یہ دلچسپ فضائی تصویر دنیا کے سب سے بڑے صحرا رب الخالی کی ہے- یہ صحرا 650,000 اسکوائر کلومیٹر تک پھیلا ہوا ہے اور اس صحرا کے مختلف حصے کئی ممالک میں واقع ہیں جن میں سعودی عرب٬ عمان٬ یمن اور متحدہ عرب امارات میں شامل ہیں- یہ فضائی تصویر اس صحرا کے سعودی عرب میں واقع حصے کی ہے-

Tulips
یہ رنگا رنگ فضائی منظر مقبول پھول گلِ لالہ کے خوبصورت باغات کا ہے جو کہ نیدر لینڈ کے علاقے Lisse میں واقع ہیں- یہ پھول مارچ میں کھلنا شروع ہوتے ہیں اور اپریل کے اختتام تک اپنے عروج پر پہنچ جاتے ہیں- نیدر لینڈ میں سالانہ 4.3 بلین گلِ لالہ کے پھول پیدا ہوتے ہیں-

Eixample
یہ اسپین کے شہر بارسلونا میں واقع Eixample ضلع کی ایک دلچسپ فضائی تصویر ہے- یہاں ایسی خاص ترتیب سے اپارٹمنٹس تعمیر کیا گیا ہے کہ انہوں نے ایک منفرد ڈیزائن کی شکل اختیار کر لی ہے- ان اپارٹمنٹ کی خاصیت یہ بھی ہے کہ ہر اپارٹمنٹ تک سورج کی روشنی پہنچتی ہے-

Angkor Wat
یہ ایک مشہور مندر ہے جو کہ کمبوڈیا میں واقع ہے- یہ مندر 12 ویں صدی میں تعمیر کیا گیا اور 820,000 کے طویل رقبے پر پھیلا ہوا ہے- اس مندر کے اردگرد ایک جنگل بھی واقع ہے-

Olives
یہ پرکشش فضائی تصویر اسپین کے علاقے Córdoba میں واقع پہاڑوں پر پھیلے زیتون کے درختوں کی ہے- یہاں سے حاصل ہونے والے زیتون میں سے 90 فیصد زیتون کا تیل جبکہ 10 فیصد زیتون کو براہ راست کھانے میں استعمال کیا جاتا ہے-