کراچی: اسلحہ رکھنے کے جرم میں تین سال باجماعت نماز ادا کرنے کی سزا

 

پاکستان کے سب سے بڑے شہر کراچی میں ایک ملزم محمد یوسف کو غیر قانونی طور پر اسلحہ رکھنے کے جرم میں جج نے بطورِ سزا تین برس تک باجماعت نماز ادا کرنے کا حکم دیا ہے۔

محمد یوسف کو 2014 میں گرفتار کیا گیا تھا۔ گرفتاری کے وقت ان سے غیر قانونی طور پر رکھا گیا اسلحہ برآمد ہوا تھا۔

کراچی کی مقامی عدالت میں غیر قانونی اسلحہ رکھنے کے حوالے سے ہونے والی سماعت کے دوران ملزم محمد یوسف نے اپنا جرم قبول کیا۔
 


اقبال جرم کے بعد سیشن کورٹ کے جج حلیم احمد نے سزا سنائی جس کے مطابق محمد یوسف کو تین سال تک اپنے محلے کی مسجد میں با جماعت نماز پڑھنے کا حکم دیا۔

عدالتی حکم کے مطابق نماز کی بروقت ادائیگی کی نگرانی امام مسجد کریں گے جبکہ ایک عدالتی اہلکار کا کام امام مسجد سے مجرم کی روزانہ رپورٹ طلب کرنا ہوگا۔

حکم میں مزید کہا گیا کہ مجرم کو تین سال تک باقاعدگی کے ساتھ نماز ادا کرنی ہوگی۔ حکم کی نافرمانی کی صورت میں مجرم کو سات سال قید اور پچاس ہزار روپے جرمانا دینا پڑے گا۔

یہ اس سال دی جانے والی انوکھی سزاؤں میں سے ایک ہے۔

اس سے پہلے بھی 2015 کے ایک کیس میں سزا سناتے ہوئے جج حلیم احمد نے قاسم نامی شخص کو ٹریفک قوانین کی خلاف ورزی کرنے پر میٹروپول ہوٹل کے سامنے شاہراہ پر پلے کارڈ پکڑ کر لوگوں کو سبق دینے کا حکم دیا تھا۔

قاسم بھی کراچی کے رہائشی ہیں اور ڈیوٹی پر مامور ٹریفک پولیس اہلکار کو ٹکر مارنے کے الزام میں پکڑے گئے تھے۔ اقبال جرم کرنے پر انھیں یہ منفرد سزا سنائی گئی تھی۔


Partner Content: BBC URDU

Email
Rate it:
Share Comments Post Comments
08 Nov, 2017 Total Views: 3250 Print Article Print
NEXT 
Reviews & Comments
کیا اس طرح کی انوکھی سزا ہمارے حکمرانوں کو بھی دی جا سکتی ہےجو کرپشن میں لتھڑے ہو ئے ہیں تاکہ وہ بھی راہ راست پر آجائیں
By: sabeel, Lahore on Nov, 09 2017
Reply Reply
0 Like
Post your Comments Language:    
Type your Comments / Review in the space below.
A trend of handing down unusual punishments by judicial magistrates has emerged in Karachi – in the latest case a judge sentencing a man convicted of possessing an illegal weapon to three years of daily congregational prayers.
MORE ON ARTICLES
MORE ON HAMARIWEB