Saniha Peshawar

Apni Tie Ko Mu May Dabaye Desk K Neeche Se Apni Ankhon Se Apni Mout Ko Qareeb Atay Hue Dekhna Apne He Payr Pe Goli Lagay Dekh Kar Uth Nahi Pana ...Or Ird Gird Laashon Ka Ambaar Dekh Kar Kia Wo Baccha Apni Agay Ki Zindagi Normal Guzar Payega?Jo Is Sanihay May Allah K Karam Se Bch To Gya ..Par Is Ki Chhaap Uske Zahen Pe Ta Qayamat Rahegi...

16th December ..Saniha Peshawar Ne Sare Mulk Ko Khamosh Krdiya...

Khamosh Zahno May Sawal Aj Sbke Dilon Me ...Hamare Bacche School Jate Hue B Mehfuz Nahi Hain?Taaleem Un Bacchon Ka Itna Bara Qusoor Bangai?

School Ko Dhamakay Se Urhanay K Bad Jo Bacche Bachgaye Un Ko Goliyan Mar Di Gain..Wo Seenay Kitne Chote Honge Kaise Jhel Pay Honge Itni Nafrat Bhari Goliyan...

Jb Jung Hoti Hai Us May B Usool Hota Hai ..Bachhe ,Burhe Or Aurton Ko Nuqsaan Nahi Phochya Jata,Par Ye Kis Tarhan Ki Jung Hai?Ye Kon Si Dushmani Hai?Jo Chote Chote Masoom Bacchon Ki Jan Leli ,Unse Sawal Pucha Gya,,K Tera Baap Army May Hai?Ayse Sawal Puch Puch K Un Bacchon K Seenon May Be Dardi Se Goliyan Utar Di Gain...

Subha Subha Nehla Kar Maaon Ne Apni Bacchon Ko School K Liye Tayyar Kiya ,..Sardi Se Bacha Ne K Liye Sweaters Pehnay Gye,Test Ki Tayyari Karwa K Apne Bacchon Ko School Bheja K Ya Allah Mere Bacche Ka Aj Test Acha Hojaye..Sari Raat Jag K Parhaya Hai Maine Usy..Parh Likh Jaye Kch Bnjaye..Kia Pata Tha Uska Imtehan Kitna Sakht Hai,,

Kis Tarhan Parwarish Kar K Apne Bacchon Ko Bara Karte Hain Maa Baap..Ek Pal May Khatam Kardi Zindagi Unki ...

Bachpan Se Leke Jawan Honay Tak Maa Baap Apne Bacchon Par Jo Pese Kharch Karte Hain, Unke Kapre ,Unka Khana Pina Unki Parhai Iska Koi Hisaab Nahi Rakhte,Jb Wo Baccha Unse Chin Gya Iski Qeemat Laga Sakta Hai Koi?, Govt.Ek Bacche Ka 5 Lac Derhi Hai..

Kia Is Sadmay Ka Azala Koi Kar Skta Hai?Jinke Bacche Is Bure Sanihay May Guzar Gye ,Wo Kis K Agay Sawal Karen?5 Lac Shayd Unke Kharche Ki Qeemat Hosakti Hai,Par Un Maa Baap Ko Kis Tarhan Tasalli De Skte Hain..Unki Wo Raaten Jismay Jaag K Apne Bacche Ko Sulaya Apne Hath Se Khilaya Pilaya Wo Sb Kch....Koi Desakta Hai...Lota Sakta Hai Un 100 Maon K Wo Bacche Jo Uniform Pahn K Sardi May Tayyar Hoke Apna Lunch Or Water Bottle Leke School Gye Thy Bs Parhnay K Liye...135 Bacche? Future K Jawano Ko Tabah Kardiya Zalimon Ne...

Zalim Log Jawano Se Larne K Bajaye Masoom Bacchon Ko Nishaana Bnaya ..Or Kitni Jaanen Lenge,Kitna Khoon Bahaynge..

Waqt Guzar Jayga,Main Or Aap Bhool Jaynge ,Par Wo Baap Roz Marega Jis K Baazu Tordiye...Wo Maa Ek Raat B Sukoon Se So Nahi Paygi Jo Sochti Thi Mera Beta Mere Janazay Ko Kandha Dega... Ksy Un Maa Baap Ne Usay Kafan May Lapayta Hoga....

,Najanay Ye Sab Kab Khatam Hoga...Kia Ye Wohe Azad Mulk Hai?

Allah Taala Farmata Hai: "Jis Shaks Ne Jaan Bujh K Kisi Bequsoor Ki Jaan Li Uska Thikana Sarasar Jahannum Hai..."

Allah Un Maa Baap Ko Sabr De Jinki Goud Ujarh Gain Jinke Masoom Charagh Bujh Gye ...Or Un Bacchon Ko B Sabr De Jinhone Ye Sab Apni Ankhon Se Dekha...
Inna Lillahi Wa Inna Ilaihi Raajiyoon...

Plz Ek Dafa Un Bacchon K Liye Fatiha Parh Dijiye...