جب آپ کی فلائٹ کسی وجہ سے تاخیر کا شکار ہوجائے تو آپ کے
پاس یہ ایک بہترین موقع ہوتا ہے کہ آپ مکمل ائیرپورٹ کا جائزہ لے سکتے ہیں-
دنیا کا ہر ائیرپورٹ کسی نہ کسی حیرت انگیز خصوصیت کا مالک ضرور ہوتا ہے-
ہم یہاں آج آپ کو دنیا کے چند انٹرنیشنل ائیرپورٹ سے تعلق رکھنے والے عجیب
و غریب حقائق کے بارے میں بتائیں گے-
|
|
دنیا کا بلند ترین کنٹرول ٹاور تھائی لینڈ کے نیو بنکاک انٹرنیشنل ائیرپورٹ
پر قائم ہے- اس کنٹرول ٹاور کی بلندی 434 فٹ ہے-
|
|
سعودی عرب کا کنگ فہد انٹرنیشنل ائیرپورٹ 1 لاکھ 92 ہزار ایکڑ کے طویل رقبے
پر پھیلا ہوا ہے جبکہ اس سائز کے دنیا میں خود کئی چھوٹے ممالک موجود ہیں-
|
|
دنیا کا سب سے مختصر ائیرپورٹ صبا نامی جزیرے پر واقع ہے- اس ائیرپورٹ کا
رن وے صرف 1299 فٹ طویل ہے جو کہ کمرشل طیاروں کے لیے انتہائی چھوٹا ہے-
|
|
ائیرپورٹ کے نام کے مخفف میں “X” کا اضافہ اس لیے کیا جاتا ہے تاکہ پہچان
ہوسکے کہ یہ مخفف کسی ائیرپورٹ کا نام ہے- مثال کے طور پر LAX جو کہ لاس
اینجلس ائیرپورٹ کا مخفف ہے-
|
|
ہوائی اڈے پر بوریت؟ کم از کم ہانگ کانگ کے انٹرنیشنل ائیرپورٹ پر تو ممکن
نہیں کیونکہ یہاں مسافروں کی تفریح کے لیے گولف کورس موجود ہے جہاں وہ اس
کھیل میں مشغول ہو کر کچھ وقت گزار سکتے ہیں-
|
|
ایمسٹرڈیم کا Schiphol نامی ائیرپورٹ درحقیقت ڈچ مصوروں کے اعلیٰ اقسام کے
اہم فن پاروں کا گھر ہے- ائیرپورٹ پر آویزاں یہ پینٹنگز ایمسٹرڈیم کے
میوزیم Rijks سے حاصل کی گئی ہیں-
|
|
آپ کا یہ جان کر ضرور حیرت ہوگی کہ ساؤ پالو ائیرپورٹ پر دانتوں کے ڈاکٹر
بھی موجود ہوتے ہیں جو کہ مسافروں کو دانتوں کی صفائی٬ چمک اور دانتوں سے
متعلق دیگر اقسام کی خدمات مہیا کرنے کی پیشکش کرتے ہیں-
|
|
مغربی ممالک میں جہاز کے سفر سے خوفزدہ لوگ سفر کے دوران اس خوف سے بچنے کے
لیے کسی حد تک شراب پی لیتے ہیں- تاہم Nashville انٹرنیشنل ائیرپورٹس سے
سفر کرنے والے مسافروں کو اجازت ہوتی ہے کہ وہ یہ مشروب اپنے ساتھ رکھ سکتے
ہیں-
|
|
کولوراڈو اسپرنگ ائیرپورٹ پر ایسے باکس نصب ہیں جہاں مسافر جہاز میں سوار
ہونے سے قبل اپنی غیر استعمال شدہ نشہ آور اشیا یا دوائیاں پھینک سکتے ہیں-
|