بھارتی ڈرامے باز کوہ پیماؤں کا پول کھل گیا

رواں ماہ کے آغاز میں ایک بھارتی جوڑے نے دعویٰ کیا تھا کہ انہوں دنیا کی بلند ترین چوٹی ماؤنٹ ایورسٹ سر کرلی ہے اور اس طرح وہ یہ چوٹی سر کرنے والا دنیا کا سب سے پہلا جوڑا بن گیا ہے- تاہم جلد ہی ان کی یہ کامیابی جعلی ثابت ہوئی اور ان کے اس ڈرامے کا پول کھل گیا-

اس دعویٰ کے حوالے سے پولیس کی جانب سے کی جانے والی ایک تفتیش میں یہ حقیقت ثابت ہوگئی ان دونوں نے ہاتھ میں بھارتی جھنڈہ تھامے ماؤنٹ ایورسٹ کی چوٹی پر کھڑے ہوکر جو تصویر کھنچوائی ہے وہ جعلی ہے اور صرف فوٹو شاپ کا کمال ہے-
 

تصویر میں تھوڑی سی مزید تبدیلی کرتے ہوئے بھارتی کوہ پیما کے ٹراؤزر کے رنگ مختلف کردیا گیا تاہم بھارتی کوہ پیما پسِ منظر میں موجود دیگر ساتھیوں کو تبدیل کرنا بھول گئے-

حقیقی کوہ پیما Satyarup نے اس تمام ڈرامے بازی کا پول فیس بک پر اپنے پیغام کے ذریعے کھولا جس میں اس نے کہا کہ ان بھارتی کو پیماؤں نے میری تصاویر چرا کر یہ کامیابی اپنے نام کرنے کی کوشش کی ہے-

اس دھوکے جوڑے نے اپنی کامیابی کے ثبوت کے طور پر دو تصاویر جاری کی تھیں جن میں سے ایک تو بھارتی جھنڈے والی ہی تھی جبکہ دوسری میں آکسیجن ماسک کی وجہ سے کسی کا چہرہ بھی واضح نہیں ہورہا- البتہ دوسری تصویر بھی حقیقی کوہ پیما کی ہی ہے جو کہ اس فیس بک پیج پر موجود ہے-