|
گزشتہ شب انڈونیشیا میں پاکستانی قیدی ذوالفقار علی کی
سزائے موت پر عملدرآمد روک دیا گیا ہے- ذوالفقار علی پر منشیات کی اسمگلنگ
کا الزام ہے اور انہیں جمعرات اور جمعے کی درمیانی شب کو سزائے موت دی جانی
تھی-
تاہم رات گئے اچانک اس سزا پر عملدرآمد روک دیا گیا ہے لیکن انڈونیشین حکام
کی جانب سے مکمل تفصیلات سے آگاہ نہیں کیا گیا-
|
|
|
سزا پر عملدرآمد روکے جانے کی اطلاع ملتے ہی لاہور میں موجود ذوالفقار علی
کے اہلِ خانہ خوشی سے نہال ہوگئے اور ایک دوسرے کو مبارکباد دینے لگے-
ذوالفقار علی کے اہلِ خانہ گزشتہ کئی روز سے اس سزا کے خلاف اپیل کر رہے
تھے اور ان کا کہنا تھا کہ ذوالفقار علی بےگناہ ہے٬ اسے صرف پھنسایا گیا ہے
جبکہ مقدمے کی کاروائی بھی منصفانہ نہیں ہے-
اس سے قبل جمعرات کو ہی انڈونیشیا کے حکام نے اقوام متحدہ اور یورپی یونین
کی جانب سے ایک پاکستانی سمیت 14 غیر ملکیوں کی سزائے موت روکنے کی اپیل
مسترد کر دی تھی-
ذوالفقار علی کو سنہ 2004 میں جاوا میں ان کی رہائش گاہ سے 300 گرام ہیروئن
سمیت حراست میں لیا گیا تھا اور سنہ 2005 میں انہیں سزائے موت سنائی گئی
تھی-
|
|
|
|
ذوالفقار علی کو انڈونیشین شہری گردیپ سنگھ جسے ائیرپورٹ پر ہیروئن اسمگل
کرتے ہوئے پکڑا گیا ہے کے بیان کی بنیاد پر گرفتار کیا گیا تھا- تاہم بعد
میں گردیپ سنگھ اپنے اس بیان سے منحرف ہوگیا اور اس کا کہنا تھا کہ یہ بیان
پولیس نے مجھ سے زبردستی لیا تھا-
|