گنیز بک آف ورلڈ ریکارڈ ایک ایسے گھر کا نام ہے جس کے
مکین دنیا بھر میں قائم کیے جانے والے دلچسپ اور عجیب و غریب ریکارڈ ہوتے
ہیں- چند روز قبل گنیز بک آف ورلڈ ریکارڈ 2017ایڈیشن جاری کر دیا گیا ہے جس
میں متعدد نئے دلچسپ اور حیرت انگیز ریکارڈ شامل کیے گئے ہیں- اس ایڈیشن
میں شامل کیے گئے ریکارڈ میں سے چند ایک آپ کی خدمت میں بھی پیش کیے جارہے
ہیں٬ امید ہے کہ پسند آئیں گے-
|
|
دنیا کی سب سے لمبی بلی کا اعزاز ویسٹ یارکس کی رہائشی کیلسی گل کی بلی کو
حاصل ہوا ہے جس کی لمبائی تین فٹ 10.59 انچ ہے-
|
|
یہ دنیا کا سب سے اونچا کتا ہے جس کی اونچائی 37.96 انچ ہے- اس کتے کے مالک
فلوریڈا کے رہائشی گریگ سیمپل ہیں-
|
|
اٹلی کے رہائشی دیمیتری پانسیرا نے دنیا کا سب سے بڑا آئسکریم اسکوپ تیار
کیا ہے جس کی لمبائی 6 فٹ 4.7 انچ ہے-
|
|
دیمیتری پانسیرا کو ہی ایک وقت میں ایک کون پر 121 آئسکریم اسکوپس رکھ کر
ان کا توازن برقرار رکھنے کا اعزاز بھی حاصل ہے-
|
|
سب سے زیادہ زاویے تک پیر گھمانے کا یہ ناقابلِ یقین ریکارڈ لندن کے نوجوان
میکس ویل ڈے نے قائم کیا ہے- انہوں نے یہ ریکارڈ 157 ڈگری تک اپنے پیر گھما
کر بنایا-
|
|
جرمنی کے ہیری سپرل کو برگر اور اس سے متعلق اشیاء کا سب سے بڑا ذخیرہ
رکھنے کا اعزاز حاصل ہے- اور ان تمام اشیاﺀ کی تعداد 3724 ہے۔
|
|
سب سے زیادہ طویل فاصلے تک اپنے جسم پر آگ لگائے رکھنے کا ریکارڈ آسٹریا کے
جوزف ٹوڈٹلنگ نے قائم کیا- انہوں نے جلتے ہوئے جسم کے ساتھ گھوڑے کے ساتھ
بندھ کر 1640.42 فٹ کا فاصلہ طے کیا-
|
|
دنیا کا سب سے بڑا ڈاک کا ڈبہ امریکا کے جم بولن نے تیار کیا ہے جس کی
لمبائی 5743.41 فٹ ہے-
|
|
دنیا کا سب سے لمبی دم والا کتا ہونے کا اعزاز بیلجیئم
کے السی لوڈٹس کے کتے کو حاصل ہوا ہے جس کی دم کی لمبائی 30.2 انچ ہے-
|