وزن نہ صرف کم کریں بلکہ رکھیں برقرار

صحت کیلئے چست و تندرست رہنا ہی صحیح ہے ۔ جسم خوبصورت اور چست ہو تو ایک جانب آپ ایک متاثر کن شخصیت کے مالک نظر آتے ہیں تو دوسری جانب بیماریاں آپ سے دور بھاگتی ہیں۔

خود کو سلم اور فٹ رکھنے کیلئے بہت سے لوگ ورزش کرتے ہیں تو بہت سے خود پر کھانا پینا حرام کر بیٹھتے ہیں جبکہ محض صحت سے متعلق غلط عادتوں کو چھوڑ کر اچھی عادتوں کو اپنانے سے خوبصورت جسامت کا مالک بنا جاسکتا ہے۔
 

ضروری ہے کہ غذا کو تبدیل کرتے رہیں مثال کے طور پر اگر ناشتے میں انڈا کھاتے ہیں تو اسے مختلف انداز میں بنائیں جیسے کہ کبھی آملیٹ بنالیں تو کبھی اسے ہاف فرائی کر کے کھائیں اور کبھی اسے اُبال کر سبزیوں یا سلاد کے ساتھ نوش کریں۔ ہفتے میں دو دن انڈا لینے کے علاوہ گندم کی روٹی لے سکتے ہیں اور ساتھ کسی پھل کا جوس یا شیک بھی لیا جاسکتا ہے۔

دوپہر کے کھانے میں دالیں٬ سبزیاں٬ کباب٬ پالک٬ گندم سے بنا پاستا٬ چاٹ٬ حلیم٬ لال لوبیا یا مرغی کھائی جاسکتی ہے۔ اگر ناشتے میں روٹی کھا چکے ہیں تو دوپہر میں روٹی یا پاستے سے گریز کریں۔اس بات کا خیال رکھیں کہ آپ کا کھانا سبزیوں کے تیل میں پکایا گیا ہو۔

رات کے کھانے میں چکن تکہ٬ گوبھی کا رول٬ سوپ، سبزیاں یا دالیں لی جاسکتی ہیں۔ رات میں سونے سے پہلے ہلکی پھلکی ورزش ضرور کریں۔