|
یوں تو پاکستان کے صوبہ بلوچستان کی شہرت کی ایک وجہ وہاں
پائے جانے والے لاتعداد بلند و بالا پہاڑ بھی ہیں لیکن انہی پہاڑوں میں ایک
پہاڑ ایسا بھی ہے جسے ایک خاص مقام بھی حاصل ہے کیونکہ اس پہاڑ میں لاکھوں
شہید قرآنی نسخوں کو محفوظ کیا گیا ہے-
|
|
|
بلوچستان کے شہر کوئٹہ کے مضافات میں واقع جبل نور نامی اس پہاڑ میں کئی
سرنگیں بنائی گئی ہیں اور یہاں قرآن پاک کے شہید نسخے محفوظ کیے جاتے ہیں
جو کہ پاکستان بھر سے پہنچائے جاتے ہیں-
یہ خوبصورت کام جبل نور فاؤنڈیشن نامی ایک تنظیم کے تحت کیا جارہا ہے- اس
تنظیم کی بنیاد سنہ 1992 میں ایک مقامی تاجر صمد لہری نے رکھی تھی اور آغاز
میں قرآن پاک کے نسخوں کو محفوظ بنانے کے لیے اس پہاڑ میں کھدائی کر کے ایک
کمرہ تعمیر کیا گیا تھا-
|
|
|
|
تاہم بعد میں جگہ کم پڑنے پر مزید سرنگوں کی کھدائی کی گئی- آج ان سرنگوں
کی لمبائی تقریباً 5۔3 کلومیٹر ہے جبکہ یہاں پاکستان بھر سے لائی جانے والی
25 لاکھ قرآن کی جلدیں ذخیرہ ہیں۔
|
|
|
اب بھی یہاں سرنگوں کی کھدائی کا جاری ہے جہاں مزید قرآنی نسخوں کو محفوظ
کیا جائے گا-
اس پہاڑ میں 300 سے 400 سال پرانے قرآن پاک کے نسخے بھی موجود ہیں جنہیں
شیشے کی الماریوں میں رکھا گیا ہے اور لوگ ان کی زیارت کرتے ہیں- اس کے
علاوہ یہاں عبادت کے لیے حجرے بھی قائم کیے گئے ہیں-
|
|
|