دبئی: منفرد زیرِ تعمیر عمارت جو کسی عجوبے سے کم نہیں

جلد ہی دبئی میں دنیا کی ایسی منفرد عمارت کی تعممیر مکمل ہونے جارہی ہے جس کی انوکھی خاصیت کے بارے میں تصور بھی نہیں کرسکتے اور یہ عمارت کسی عجوبے سے کم نہیں ہوگی- جی ہاں دبئی میں دنیا کی سب سے پہلی گھومنے والی عمارت 2020 تک تعمیر کی جائے گی۔

ڈائنامک ٹاور ہوٹل نامی اس عمارت کا ڈیزائن ڈیوڈ فشر نامی آرکیٹیکٹ کا تیار کردہ ہے جبکہ اس عمارت کی تعمیر کی منصوبہ بندی سال 2008 سے جاری ہے-

اس عمارت کے رہائشی وائس کمانڈز کی مدد سے نہ صرف عمارت کے گھومنے کی رفتار کو کنٹرول کرسکیں گے بلکہ اپنے اپارٹمنٹ کو بھی گھومنے سے روک سکیں گے-

یہ جدید عمارت 1375 فٹ کی بلندی کی حامل ہوگی جبکہ اس کے 80 فلور ہوں گے- اس کے علاوہ اپنی گھومنے کی صلاحیت کے باعث دبئی کے رہائشیوں کو 360 ڈگری کا نظارہ بھی فراہم کرے گی-

یہ بلند و بالا عمارت متوقع طور پر اپنی بجلی خود پیدا کرے گی جس کے لیے ہر منزل پر ونڈ ٹربیونز نصب ہوں گے جبکہ چھت پر سولر پینلز لگائے جائیں گے۔

ڈائنامک آرکیٹیکچر کی ویب سائٹ کے مطابق اس عمارت کے رہائشیوں کو انتہائی پرتعیش اور جدید ترین سہولیات میسر ہوں گی- تاہم یہاں اپارٹمنٹ کی مالیت کم سے کم 3 کروڑ ڈالر ہوگی-

< Previous بل گیٹس کا گھر اور چند ناقابلِ یقین حقائق NEXT > جی میل نے زبردست فیچر متعارف کروا دیا