دنیا کی سب سے خوفناک رولر کوسٹرز

رولر کوسٹر جیسی دلچسپ سواری سے محبت کرنے والوں کی سب سے بنیادی ترجیح یہی ہوتی ہے کہ وہ ایسی رولر کوسٹر کا سفر کریں جو سب سے زیادہ بلندی پر چلتی ہو یا پھر سب سے زیادہ تیز رفتار ہو- اور اسی حوالے سے مختلف ممالک میں موجود تفریحی پارکوں میں سیاحوں کو اپنی جانب متوجہ کرنے کے لیے بلند ترین اور تیز رفتار رولر کوسٹر نصب کی جارہی ہیں- لیکن ہم یہاں مختلف ممالک میں موجود جن رولر کوسٹرز کا ذکر کر رہے ہیں انہیں دنیا کی خوفتاک ترین رولر کوسٹر قرار دیا جاتا ہے- اور اس کی مختلف وجوہات ہیں- وہ کیا ہیں؟ آئیے جانتے ہیں!

Superman Escape
یہ خوفناک رولر کوسٹر آسٹریلوی شہر کوئنز لینڈ کے ایک پارک میں نصب ہے- یہ رولر کوسٹر صرف دو سیکنڈ کے مختصر وقفے میں 62 فی گھنٹہ کی رفتار تک جا پہنچتی ہے- اس رولر کوسٹر پر سفر کے دوران نہ صرف کئی عجیب و غریب موڑ آتے ہیں بلکہ جب یہ اوپر سے نیچے کی جانب آتی ہے تو انسان پر ایک خوف بھی طاری کردیتی ہے-

Shivering Timbers
یہ مشی گن کا ایک سب سے پرکشش ایڈونچر ہے- یہ رولر کوسٹر لکڑی سے تیار کردہ ہے جو کہ 1640 میٹر کے رقبے پر پھیلی ہوئی ہے- یہ رولر کوسٹر ٹریک پر 65 میل فی گھنٹہ کی رفتار سے دوڑتی ہے- یہ ٹریک 3 اونچائیاں رکھتی ہے جو کہ 30 میٹر بلند ہیں-

Sky Scream
یہ انوکھی رولر کوسٹر جرمنی میں واقع ہے اور اس کا عجیب و غریب ڈیزائن ہی انسان کو ڈرانے کے لیے کافی ہے- اس رولر کوسٹر پر سفر کے دوران کئی ایسے موڑ اور بَل آتے ہیں کہ ان سے گزرتے ہوئے انسان کی دہشت سے حالت بری ہوجاتی ہے- اس جھولے کا مزہ لینا کمزور دل والوں کے بس کی بات نہیں-

The Roller Coaster of Death
Mangyongdae Fun Fair شمالی کوریا کا ایک ایسا تفریحی پارک ہے جو اکثر ویران ہی رہتا ہے- اس کی وجہ یہاں موجود جھولوں اور سہولتوں کا پرانا ہونا ہے- لیکن ان سب میں زیادہ خطرناک یہاں موجود رولر کوسٹر ہے کیونکہ یہ بری طرح زنگ آلود ہوچکی ہے اور کبھی بھی کسی حادثے کا باعث بن سکتی ہے-

Fujin Raijin II
یہ رولر کوسٹر جاپان کے ایک پارک میں نصب ہے اور ایک خوفناک حادثے کا شکار بن چکی ہے- 2007 میں ہونے والے خوفناک حادثے سے قبل سیاح اس کی سواری کے انتہائی شوقین تھے- 2007 میں یہ رولر کوسٹر چلنے کے دوران ٹریک سے علیحدہ ہو کر گر گئی اور اس حادثے میں 1 شخص ہلاک جبکہ 19 افراد زخمی ہوگئے- ماہرین کے مطابق اس حادثے کی وجہ وہ وہیل ایکسلز تھا جسے گزشتہ 15 سال سے تبدیل نہیں کیا گیا تھا-

Formula Rossa
ابو ظہبی کے فراری ورلڈ نامی پارک میں نصب یہ رولر کوسٹر دنیا کی سب سے تیز رفتار رولر کوسٹر ہے جو کہ 149 میل فی گھنٹہ کی رفتار تک جا پہنچتی ہے- یہ مشہور فارمولا ون ریسنگ ٹریک کے ماڈل کے طور پر تیار کی گئی ہے اور اسی وجہ سے تیز رفتار بھی ہے-