ہم سب اس بات سے بخوبی واقف ہیں کہ واٹر پارک بےپناہ تفریح اور لطف کے
حوالے سے شہرت رکھتے ہیں- یقیناً ان واٹر پارک میں جانا صرف ایک سیر یا
تفریح نہیں ہوتی بلکہ آپ کچھ وقت کے لیے گرمی کی شدت سے بھی محفوظ ہوجاتے
ہیں-
|
|
|
|
تاہم زیادہ تر واٹر پارک کچھ ایسے انداز سے ڈیزائن کیے جاتے ہیں کہ وہاں
معذور افراد تفریح کے بجائے مشکلات کا شکار ہوجاتے ہیں یا پھر انہیں واٹر
پارک کے ایک کونے میں بیٹھ کر اپنے خاندان کی واپسی کا انتظار کرنا پڑتا ہے-
مگر Morgan Inspiration Island نامی ایک ایسے دلچسپ واٹر پارک کا افتتاح
کیا گیا ہے جو خصوصی طور پر معذور افراد کے لیے تعمیر کیا گیا ہے-
اس واٹر پارک کا افتتاح ٹیکساس کے علاقے سین اینٹونیو میں 17 جون کو ہوا-
اور اسے ایسے ڈیزائن کیا گیا ہے کہ معذور بچے وہیل چئیر پر بیٹھ کر نہ صرف
پورے واٹر پارک کی سیر کرسکتے ہیں بلکہ مختلف واٹر گیمز اور سوئمنگ پول سے
بھی لطف اندوز ہو سکتے ہیں-
|
|
|
اس واٹر پارک میں کئی ایسے جھولے بھی نصب کیے گئے ہیں جنہیں وہیل چئیر پر
بیٹھ کر بھی جھولا جا سکتا ہے- اس کے علاوہ یہاں واٹر کینن بھی موجود ہیں-
سب سے دلچسپ بات یہ ہے کہ اس واٹر پارک میں معذور افراد کا داخلہ بالکل مفت
ہے-
پارک کی انتظامیہ تمام بچوں کو ایسے واٹر پروف بریسلٹ پہناتی ہے جو جی پی
ایس سسٹم سے آراستہ ہوتے ہیں اور ان کی بدولت بچوں کو باآسانی تلاش کیا
جاسکتا ہے کہ وہ اس وقت پارک کے کس مقام پر موجود ہیں؟
|
|
|
پارک میں ایسے بچوں کے لیے بھی چند حصے تعمیر کیے گئے جو زیادہ ہجوم اور
شور سے گھبراتے ہیں- اس کے علاوہ مختلف پول اور واٹر گیمز میں موجود پانی
کو مسلسل ری سائیکل کیا جارہا ہے تاکہ پانی کا معیار بہتر رہے- |