عیدالاضحیٰ کی مناسبت سے کراچی کے علاقے سہراب گوٹھ میں قائم کی جانے والی
ایشیاﺀ کی سب سے بڑی مویشی منڈی میں نایاب دنبوں کی ایک ایسی جوڑی لائی گئی
ہے جنہیں دیکھنے کے لیے لوگ دور دور سے آرہے ہیں-
|
|
ان نایاب دنبوں کی خصوصیت ہر دنبے کے چار سینگھوں کا ہونا ہے اور یہ انوکھے
دنبے عامر دلپسند کیٹل فارم کی ملکیت ہیں-
کیٹل فارم میں مویشیوں کی دیکھ بھال کرنے والے حاجی لیاقت نے ہماری ویب کے
نمائندے کو ان نایاب دنبوں کے حوالے سے بتایا کہ “ اگرچہ ان نایاب دنبوں کا
تعلق بیلے کی نسل سے ہے لیکن ان چار سینگھوں کا نسل سے کوئی تعلق نہیں ہے
اور یہ قدرتی طور پر کسی بھی دنبے کے نکل سکتے ہیں- ہزاروں میں سے کوئی ایک
دنبہ ایسا ہوتا ہے جس کے چار سینگھ ہوتے ہیں“-
“ تاہم گزشتہ 14 سال سے ایسا ہورہا ہے کہ ہمارے کیٹل فارم میں ہر سال ایسے
1 یا 2 نایاب دنبے ضرور پیدا ہورہے ہیں جو کہ صرف اﷲ تعالیٰ کا کرم ہے“-
|
|
ان دنبوں کی عمر اور ڈیمانڈ کے حوالے سے حاجی لیاقت کا کہنا تھا کہ “ ان
نایاب دنبوں کی عمر 12 ماہ ہے جبکہ دنبے 11 ماہ میں ہی دو دانت کے ہوجاتے
ہیں- عامر دلپسند کیٹل فارم نے دنبوں کی اس جوڑی کی قیمت 5 لاکھ روپے مقرر
کر رکھی ہے“-
|
|
|