شاہد آفریدی کا انٹرنیشنل کرکٹ سے ریٹائرمنٹ کا اعلان !!

پاکستان کے ہر شعبے کی مانند کرکٹ بھی گزشتہ چند سالوں سے زوال کا شکار ہے- اس زوال کا سب سے بڑا سبب کرکٹ بورڈ میں پائی جانے والی سیاست ہے جس کا حالیہ شکار پاکستان کے مایہ ناز آل راؤنڈ اور سابق کپتان شاہد آفریدی بنے ہیں اور انہوں نے اسی بنا پر انٹرنیشنل کرکٹ سے ریٹائرمنٹ کا اعلان کردیا ہے-شاہد آفریدی کا کہنا ہے کہ جس بورڈ میں کرکٹرز کی عزت نہیں میں اس کے انڈر نہیں کھیلوں گا، ان کا کہنا تھا کہ میں نے پاکستان کے مفاد میں بات کی جو میرا حق ہے، میری کپتانی میں پاکستان نے ورلڈ کپ کا سیمی فائنل کھیلا۔

اور اس طرح پاکستان ایک اور عظیم کھلاڑی سے محروم ہو گیا ہے- جہاں ایک طرف پاکستان کی کرکٹ ایک بڑے بحران کا شکار ہیں وہی دوسری جانب شاہد آفریدی کی ریٹائرمنٹ سے ہونے والے نقصان کو کیا کرکٹ بورڈ پورا کر پائے گا؟ یا اب بھی جیسا چلتا ہے چلائے جاؤ کی طرح ہی معاملہ رہے گا؟

آپ شاہد آفریدی کے اس فیصلے کو کس طرح دیکھتے ہیں؟