جامعہ کراچی کے شعبہ نفسیات سال آخر کے انڈسٹریل سائیکولوجی کے طلبہ کے کورس اسائنمنٹ کے ضمن میں ڈاکٹر فرح اقبال کے زیراہتمام سیمینار جمعرات 3 اپریل کو سماعت گاہ کلیہ فنون جامعہ کراچی میں ہوگا جس میں ڈاکٹر محمد قیصر بحیثیت مہمان خصوصی شرکت کریں گے۔ جامعہ کراچی کے شعبہ پبلک ایڈمنسٹریشن کے اسٹوڈنٹس ایگزیکٹو کونسل کے زیراہتمام انٹرن شپ فیئر 2014ء جمعرات 3 اپریل کو صبح ساڑھے 9 سے 4 بجے شام منعقد ہوگا۔ ٭جامعہ کراچی کے مشیر امورطلبہ ڈاکٹر انصر رضوی کے مطابق جامعہ کراچی کے تحت ’’علامہ اقبال شیلڈ‘‘ تقریری مقابلہ جو 8 اپریل کو ہونا تھا ناگزیر وجوہات کی بنا پر ملتوی کردیا گیا ہے۔ ٭جامعہ کراچی کے سردار یٰسین ملک پروفیشنل ڈویلپمنٹ فیسیلٹیز کے زیر اہتمام تین روزہ ورکشاپ 8 تا 10 اپریل منعقد کی جارہی ہے۔ ساجدہ پروین اس ورکشاپ کی ریسورس پرسن ہوں گی۔ ٭وفاقی اردو یونیورسٹی کے ناظم امتحانات پروفیسر ڈاکٹر وقارالحق کے مطابق بی ایل، سال اول، سال دوم، ایل ایل ایم اور ایل ایل بی سال آخر، سالانہ امتحان 2013ء کے دہرائے گئے پیپرز کا آغاز جمعرات 3 اپریل سے ہوگا۔ تمام امتحانات کے اوقات دوپہر سے شام 5 بجے اور جمعہ ڈھائی سے ساڑھے پانچ ہے جبکہ امتحانی مرکز عبدالحق کیمپس بنایا گیا ہے۔