چئیرمین میٹرک بورڈ کراچی فصیح الدین خان کی خصوصی ہدایت پر ناظم امتحانات نعمان
احسن نے نقل مافیا کے نیٹ ورک کے انکشاف اور امتحانی مراکز سے کاپیوں کے باہر جانے
کی اطلاعات پر بورڈ کی ٹاسک فورس کے ہمراہ چھاپہ مار کر شمس گورنمنٹ بوائز سیکنڈری
اسکول اورنگی ٹاؤن سے 2جعلی امیدواروں سمیت 18طلباء کو اور اپوا گورمنٹ بوائز
سیکنڈری اسکول 5-Eنیو کراچی سے23 نقل کیس اور ایک جعلی امیدوار کو رنگے ہاتھوں پکڑا
جو کہ اصل امیدواروں کی جگہ امتحان دے رہے تھے ۔
اس موقع پر کنٹرولر امتحانات نعمان ا حسن نے ایک منظم نقل مافیا کی سرپرستی میں نقل
کرنے والے متعدد طلباء کے خلاف قانونی کا رروائی کرتے ہوئے ان کی کاپیاں ضبط کرلیں
جبکہ انہیں امتحانات سے بیدخل کرکے UFMکمیٹی کو تحقیقات کا حکم دے دیا ۔کنٹرولر
امتحانات نعمان احسن نے اپوا گورمنٹ بوائز سیکنڈری اسکول 5-Eنیو کراچی کے سینٹر
سپرنٹنڈنٹ کو طلباء کو امتحانات کے دوران نقل کرانے کے الزام میں فوری طور پر بر
طرف کردیا جبکہ سینٹر کنٹرول آفیسر کو اضافی ذمہ داری تفویض کردی جو کہ روزانہ کی
بنیاد پر امتحانی کاپیاں لے کر امتحانی مرکز لے جائے گا اور امتحان کے بعد واپس
بورڈ آفس میں جمع کرائے گا ۔
اس موقع پر ناظم امتحانات نعمان احسن نے نقل کی روک تھام اور امتحان کے شفاف انعقاد
کیلئے CSاورCCOکو سخت ہدایات جاری کرتے ہوئے کہا کہ وہ اپنی کارکر دگی میں مزید
بہتری عمل میں لائیں ۔
علاوہ ازیں دوپہر کی شفٹ میں ہونے والے سوکس (شہریت) و دیگر پرچہ جات کے دوران بورڈ
کی ویجیلینس ٹیموں نے امتحانی مراکز پر چھاپے مار کر مزید 5جعلی امیدواروں سمیت
97امیدواروں کو نقل کرتے ہوئے پکڑلیا ۔