کراچی یونیورسٹی کے بزنس اسکول کے چیئر مین پروفیسر ڈاکٹر عبدالرحمن ذکی کے اعلامیے کے مطابق ایم بی اے ایگزیکٹو کے داخلہ فارم25 اپریل 2014ء تک یوبی ایل بینک کائونٹر واقع سلورجوبلی گیٹ جامعہ کراچی،یو بی ایل کی مین کیمپس برانچ جامعہ کراچی،ناظم آباد چورنگی برانچ اورپی آئی ڈی سی برانچ سے 1000/=روپے کے عوض حاصل اور جمع کرائے جاسکتے ہیں۔ داخلہ ٹیسٹ27 اپریل 2014 کو صبح10بجے جامعہ کراچی کے بزنس اسکول کی عمارت میں منعقد ہوگا۔ میرٹ لسٹ30 اپریل 2014ء کو 12 بجے دوپہر شعبے میں آویزاں کردی جائیگی جبکہ انٹرویو02 اور 03مئی کو شعبہ ہی میں صبح10بجے ہونگے۔