جامعہ کراچی کے ناظم امتحانات کی جانب سے بی کام سال اول پرائیوٹ سالانہ امتحان برائے 2013 ء کے نتائج کا اعلان کردیا گیا ہے۔نتائج کے مطابق امتحان میں 5897 طلبہ شریک ہوئے جس میں سے 752 طلبہ کامیاب قراردیئے گئے ،جبکہ 5145 ناکام رہے۔کامیاب طلبہ کا تناسب 12.75% فیصدرہا۔٭ جامعہ کراچی کے ڈائریکٹر ایڈمیشن کے اعلامیے کے مطابق ایم بی اے (بینکنگ) ایوننگ پروگرام کا26 جولائی2014 ء کو ہونے والا داخلہ ٹیسٹ اب بروزاتوار 10 اگست 2014 ء کو مقررہ وقت اور مقام پر ہوگا۔واضح رہے کہ یہ ٹیسٹ ماہ رمضان کے آخری عشرے اورعید کی تعطیلات کی وجہ سے اب بروز اتوار 10 اگست 2014 ء کو منعقد کیا جارہا ہے۔ایم بی اے بینکنگ اور دیگر شعبہ جات میں داخلے کی میرٹ لسٹ بروزبدھ 13 اگست 2014 ء کو شام 5:00 بجے سلور جوبلی گیٹ جامعہ کراچی پر آویزاں اور جامعہ کی ویب سائٹ پر اپ لوڈ کردی جائے گی۔