جامعہ کراچی کے ڈائریکٹر ایڈمیشن پروفیسر ڈاکٹر خالد عراقی کے مطابق شعبہ ویژول اسٹڈیز میں بیچلرز آف ڈیزائننگ ،بیچلزآف فائن آرٹس اور بیچلرز آف آرکیٹیکچرز میں داخلے برائے سال 2015 کیلئے داخلہ فارم حاصل / جمع کرانے کی تاریخ میں دو دن کی توسیع کردی گئی ہے۔ داخلے کے خواہشمند طلبہ اپنے داخلہ فارم معہ کتابچہ 1000روپے کے عوض یو بی ایل بینک کائونٹر واقع سلور جوبلی گیٹ جامعہ کراچی سے 22 اور23 اکتوبر کو حاصل اور جمع کراسکتے ہیں۔ ٭جامعہ کراچی کے ناظم امتحانات پروفیسر ڈاکٹر ارشد اعظمی کے مطابق بی اے، بی پی ایڈ، بی اے ایل ایل بی (آنرز) اور بی ڈی ایس فائنل پروفیشنل کے18اکتوبر کو ملتوی ہونے والے امتحانات کی نئی تاریخوں کا اعلان کردیا گیا ہے، جس کے مطابق بی پی ایڈ اور بی ڈی ایس فائنل پروفیشنل کے18 اکتوبر کو ملتوی ہونے والے امتحانات اب25اکتوبر کو منعقد ہونگے جبکہ بی اے اور بی اے ایل ایل بی (آنرز) کے18اکتوبر کو ملتوی ہونے والے امتحانات اب29 اکتوبر کو منعقد ہونگے۔