ثانوی تعلیمی بورڈ کے ناظم امتحانات نعمان احسن کے مطابق14نومبر 2014سے شروع ہونے والے ضمنی امتحانات کے ایڈمٹ کارڈز تیار ہوگئے ہیں اور اتوار 09نومبر سے جاری کرنا شروع کر دئے گئے ہیں۔ اس سلسلے میں بورڈ کے دفاتر اتوار کو تعطیل کے باوجود کھلے رہے۔ ایڈمٹ کارڈ ز بورڈ ہذا کے کانفرنس ہال واقع پہلی منزل بلاک Bسے حاصل کیے جاسکتے ہیں۔ اسکے علاوہ ضمنی امتحانات کے قائم کردہ امتحانی مراکز کے لئے متعلقہ سازو سامان بروز پیر 10نومبر سے بورڈ ہذا کے ایگزامینیشن اسٹور سے جاری کیے جائیں گے۔