جنرل راحیل نے بیرون ملک ملازمت کیلئے اجازت لی نہ ابھی آفر ہے: خواجہ آصف، سرتاج عزیز

11 Jan, 2017 نوائے وقت
وزیر دفاع خواجہ محمد آصف نے سینٹ میں دو ٹوک الفاظ میں واضح کیا ہے کہ سابق آرمی چیف جنرل (ر) راحیل شریف نے 39 رکنی مسلم عسکری اتحاد کی قیادت سنبھالنے کی پاک فوج اور وزارت دفاع سے تاحال اجازت نہیں لی نہ حکومت پاکستان اس قسم کی کسی پیشکش سے آگاہ ہے، راحیل شریف سعودی فرمانروا کی دعوت پر عمرے کے لئے گئے تھے۔ تین روز قبل پاکستان واپس آچکے ہیں، سعودی عرب جانے کا ایجنڈا اور مقصد ہرگز وہ نہیں ہے جو میڈیا میں آرہا ہے۔ چیئرمین سینٹ میاں رضا ربانی کی ہدایت پر وزیر دفاع خواجہ آصف اور مشیر خارجہ سرتاج عزیز نے 39 رکنی عسکری اتحاد کی کمان جنرل راحیل شریف کی طرف سے سنبھالنے کی میڈیا اطلاعات پر پالیسی بیانات دئیے۔ وزیر دفاع نے سبکدوش اعلیٰ فوجی افسران کی جانب سے دوبارہ ملازمت حاصل کرنے کے قواعد سے سینٹ آف پاکستان کو آگاہ کیا اور بتایا کہ موجودہ ضابطہ کار کے تحت اندرون ملک کسی بھی فوجی افسر کو ریٹائرمنٹ کے بعد دوبارہ ملازمت کے سلسلے میں وزارت دفاع سے اجازت لینا ضروری ہوتا ہے اور اس بارے میں 1998ءمیں سرکلر بھی باقاعدہ طور پر جاری ہو چکا ہے۔ چیئرمین سینٹ کے استفسار پر وزیر دفاع نے کہا کہ ان قواعدو ضوابط میں کسی فوجی افسر کی سبکدوشی کے بعد فارن پوسٹنگ کا تذکرہ موجود نہیں۔ خواجہ محمد آصف نے واضح کیا کہ جنرل راحیل شریف نے عسکری اتحاد کی قیادت سنبھالنے کے سلسلے میں حکومت پاکستان کو کچھ آگاہ کیا ہے نہ وزارت دفاع سے کلیئرنس اور این او سی لیا گیا ہے۔ سابق آرمی چیف نے قطعی طور پر حکومت کو اپروچ نہیں کیا۔ چیئرمین سینٹ کے مزید سوالات کا جواب دیتے ہوئے وزیر دفاع نے کہا کہ سابق آرمی چیف نے اس معاملے پر فوج سے بھی اجازت نہیں لی ہے۔ وزارت دفاع اور جی ایچ کیو مسلم عسکری اتحاد کی سابق آرمی چیف کو کسی بھی پیشکش سے آگاہ نہیں ہیں۔ چئیرمین سینٹ کی ہدایت پر وزیر دفاع نے کہا کہ متعلقہ قواعدو ضوابط میں ترمیم کی جائے گی اور اس میں کسی سبکدوش فوجی افسر کی بیرون ملک ملازمت حاصل کرنے کی پیشگی اجازت کو بھی شامل کیا جائے گا اور اگر جنرل راحیل شریف کی کوئی درخواست آئی تو اسی تناظر میں اسے دیکھا جائے گا۔ سرتاج عزیز نے کہا کہ جب اس قسم کی باضابطہ اطلاع ہی نہیں ملی اور اس پیشکش کا امکان بھی نظر نہیں آتا تو اس کی پاکستان کی خارجہ پالیسی پر اثرات کی بات کیسے ہو سکتی ہے۔ چیئرمین سینٹ نے وزیر دفاع کو ہدایت کی کہ جب بھی جنرل راحیل شریف کی 39 رکنی عسکری اتحاد کی قیادت سنبھالنے کی درخواست آئے تو سینٹ کا اجلاس ہو رہا ہو تو اس بارے میں ایوان کو ضرور مطلع کیا جائے۔ سرتاج عزیز نے کہا کہ سابق آرمی چیف راحیل شریف کو ابھی ایسی کوئی آفر نہیں ہے۔ خواجہ محمد آصف نے کہا کہ سابق آرمی چیف جنرل راحیل شریف کی جانب سے بیرون ملک ملازمت کےلئے این او سی کے اجراءیا کلیئرنس سے متعلق وزارت دفاع کو باضابطہ درخواست موصول نہیں ہوئی، اگر کوئی ایسی درخواست آئی تو قانون کے مطابق فیصلہ کیا جائیگا۔

Watch Live News

’جے آئی ٹی‘ نے مریم نواز کو بھی طلب کر لیا

27 Jun, 2017 وائس آف امریکہ اردو

 ... مزید

شامی حکومت مزید کیمیائی حملے کرنے سے باز رہے، امریکہ

27 Jun, 2017 وائس آف امریکہ اردو

بیان کے مطابق نئے حملے کی تیاریاں اپریل 2017ء میں کیے جانے والے حملے سے ملتی جلتی ہیں جس م ... مزید

کراچی میں گرمی کا وار جاری، بالائی علاقوں میں بارش

27 Jun, 2017 اب تک

کراچی میں گرمی کا وار جاری، بالائی علاقوں میں بارشاسلام آباد:(27 جون 2017)اسلام آباد سمیت ... مزید

پانامہ جے آئی ٹی نے مریم نواز کو پہلی مرتبہ 5 جولائی کو طلب کر لیا

27 Jun, 2017 چینل24

اسلام آباد (24 نیوز): پانامہ جے آئی ٹی نے وزیر اعظم کی صاحبزادی مریم نواز کو تمام دستاوی ... مزید

آئل ٹینکر حادثہ: قیمتی جانوں کے ضیاع پر او آئی سی کا اظہار تعزیت

27 Jun, 2017 چینل24

جدہ (24 نیوز): احمد پور شرقیہ میں آئل ٹینکر حادثے میں قیمتی جانوں کے ضیاع پر او آئی سی کا ... مزید

ڈونلڈ ٹرمپ اور مودی ملاقات کے دوران کشمیری اور سکھ برادری کا احتجاج

27 Jun, 2017 اب تک

ڈونلڈ ٹرمپ اور مودی ملاقات کے دوران کشمیری اور سکھ برادری کا احتجاجواشنگٹن: (27 جون 2017)  ... مزید

آئل ٹینکر حادثہ: 125 افراد کی اجتماعی تدفین آج ہوگی

27 Jun, 2017 اب تک

آئل ٹینکر حادثہ: 125 افراد کی اجتماعی تدفین آج ہوگیحسان شیخملتان: (27 جون 2017)سانحہ احمد ... مزید

ٹرمپ نے بھارت کو سچا دوست قرار دے دیا

27 Jun, 2017 اب تک

ٹرمپ نے بھارت کو سچا دوست قرار دے دیاواشنگٹن: (27 جون 2017)بھارتی وزیر اعظم نریندر مودی کا ... مزید

شدید گرمی پر قدرت مہربان،اسلام آباد، میانوالی،بھکر،کوٹ ادو میں بارش

27 Jun, 2017 چینل24

اسلام آباد(24نیوز)عید کے دوسرے روز اسلام آباد ،مری ،میانوالی سمیت کئی شہروں میں بارش سے گر ... مزید

مودی ٹرمپ ملاقات سے قبل حزب المجاہدین کے سربراہ سید صلاح الدین عالمی دہشت گرد قرار

27 Jun, 2017 اب تک

مودی ٹرمپ ملاقات سے قبل حزب المجاہدین کے سربراہ سید صلاح الدین عالمی دہشت گرد قرارواشنگٹن: ... مزید

Load More
Post Your Comments
Select Language:    
MORE ON NEWS
MORE ON HAMARIWEB