عمران خان کے الزامات عدالت نے رد کر دیئے :دانیال عزیز

12 Jan, 2017 نوائے وقت
پاکستان مسلم لیگ( ن) کے رہنما دانیال عزیز نے کہا ہے کہ پی ٹی آئی کے سارے دلائل دم توڑ گئے.اس نے جو قلابازیاں کھائیں وہ کنٹینر پر چل جا تی ہیں عدالت میں نہیں، عمران خان کے الزامات عدالت نے رد کر دیئے ہیں۔جمعرات کوپریم کورٹ کے باہر میڈیا سے گفتگو کرتے ہوئے دانیال عزیز کا کہنا تھا کہ عدالت میں تحریک انصاف کے موقف میں تضاد ثابت ہو گیا ہے۔ عمران خان کی اسٹپنی بھی پلٹ گئی، عمران خان کا ایک اور وکیل آج بھاگ گیا جبکہ پی ٹی آئی کی قیادت بھی عدالتی کارروائی سے بھاگنا چاہتی ہے۔ ان کا مزید کہنا تھا کہ وزیراعظم کی اسمبلی میں تقریراورعدالت میں موقف میں کوئی تضادنہیں، ہمارے پاس تمام ثبوت موجود ہیں۔میڈیا سے گفتگو کے دوران مائزہ حمید نے کہا کہ 7ماہ الزامات سنتے رہے اور اب یہ کیس کرپشن،ٹیکس چوری کا نہیں رہا۔انہوں نے مزید کہا کہ عمران خان کو اب خیبرپختونخوا بھی جاتا ہوا نظر آرہا ہے۔ یہ بات ثابت ہوگئی کہ پاناما پیپرز میں وزیراعظم کا نام نہیں۔
 

Watch Live News

 مزید خبریں 
« مزید خبریں
Post Your Comments
Select Language: