پانامہ کیس : دونوں فریق نہیں چاہتے کہ سچ سامنے آئے:سپریم کورٹ

12 Jan, 2017 چینل24
اسلام آباد(24 نیوز)پانامہ لیکس (Panama Case)میں وزیراعظم کے وکیل نے وزیراعظم کی نااہلی کے اٹھائے گئے معاملے کو ناقابل سماعت قرار دے دیا ، جسٹس عظمت سعید شیخ کا کہنا تھا ، دونوں فریق نہیں چاہتے کہ سچ سامنے آئے ، کبھی ایک رکاوٹ کھڑی کرتا ہے تو کبھی دوسرا۔سپریم کورٹ میں پانامہ لیکس کیس کی ساتویں سماعت پر دلائل دیتے ہوئے مخدوم علی خان نے وزیراعظم کا قوم سے خطاب پڑھ کر سنایا ، ان کا کہنا تھا وزیراعظم نے اپنے خطاب میں بچوں سے متعلق کاروبار شروع کرنے کا لفظ استعمال نہیں کیا۔انہوں نے کہا تھا کہ جدہ فیکٹری کا سرمایہ بچوں نے کاروبار کے لیے استعمال کیا ، دبئی فیکٹری کے حوالے سے جسٹس کھوسہ نے وزیراعظم کے وکیل کو مطمئن کرنے کی ہدایت کی جس پر مخدوم علی خان کا کہنا تھا دبئی مل کا وجود ثابت کرنا درخواست گزار کا کام ہے۔انہوں نے معاملے پرعدالت کو کمیشن بنانے کی تجویز سامنے رکھ دی ، کمیشن دبئی جا کر الزامات کا جائزہ لے ۔ مخدوم علی خان کا کہنا تھا وزیر اعظم پر لگائے گئے الزامات کی پٹیشن میں بے تحاشہ تضادات ہیں جس پر جسٹس اعجاز افضل کا کہنا تھا امید ہے آپ پٹیشن میں تضادات پر درخواست گزار کو نااہل کرنے کی استدعا نہیں کریں گے۔جسٹس عظمت سعید شیخ کا کہنا تھا اگر پہلی تقریر میں کوئی بات رہ گئی تو ہو سکتا ہے دوسری تقریر میں کور کی گئی ھو ، جسٹس اعجاز افضل کا کہنا تھا وزیراعظم کی تقریر پہلے سے تحریر شدہ تھی۔انہوں نے فی البدیع نہیں کی ، کیا یہ محض معصومانہ خطا تھی یا جان بوجھ کر چھپایا گیا؟مخدوم علی خان نے واضع کیا کہ منی ٹریل کا معاملہ نواز شریف سے متعلق نہیں ہے ، کاروبار بچوں کا ہے تو ریکارڈ بھی ان کے وکیل ہی دیں گے ، جسٹس عظمت سعید شیخ کا کہنا تھا دونوں فریق نہیں چاہتے کہ سچ سامنے آئے، کبھی ایک رکاوٹ کھڑی کرتا ہے تو کبھی دوسرا، اصل ایشو یہ ہے کہ عوام سچ جاننا چاہتے ہیں۔ایڈوکیٹ مخدوم علی خان نے پانامہ لیکس سماعت کے دوران وزیراعظم کی نااہلی کے حوالے سے اٹھائے گئے معاملے کو ناقابل سماعت قرار دے دیا ، ان معاملات پر آرٹیکل 184/3 لاگو نہیں ہوتا۔ان کا کہنا تھا سپیکر کی جانب سے ریفرنس خارج ہو تو 184/3 کی درخواست دائر ہوتی ہے ، اگر عدالت اس آرٹیکل کو ری ڈیفائن کرنا چاہتی ہے تو اس پر کل دلائل دوں گا۔

Watch Live News

برطانیہ میں قائم قطری ہوٹلوں کا بائیکاٹ جاری

18 Aug, 2017 نیو

لندن:بر طا نیہ میں قطری حکومت یا کسی بھی قطری کی معاونت سے قائم کردہ ہوٹلز کو بلیک لسٹ کر  ... مزید

چین میں پہلی انٹرنیٹ عدالت قائم

18 Aug, 2017 نیو

بیجنگ: چین ای کامرس کے مرکز ہانگ زو میں پہلی انٹرنیٹ عدالت قائم کر رہا ہے۔ اس عدالت میں ان ... مزید

قومی اسمبلی میں انتخابی اصلاحاتی بل پر اپوزیشن جماعتوں کے تحفظات

18 Aug, 2017 چینل24

اسلام آباد(24 نیوز) قومی اسمبلی میں (na meeting) انتخابی اصلاحاتی بل پر اپوزیشن جماعتوں ن ... مزید

مجید خان اچکز ئی کی ضمانت پر اختلاف ،کیس ریفری جج کے حوالے

18 Aug, 2017 نیو

کوئٹہ: بلو چستان ہائیکو رٹ کے دو رکنی بینچ نےرکن صوبائی اسمبلی مجید خان اچکز ئی کی ضمانت پ ... مزید

پشاور میں ڈینگی کے لمبے ڈیرے، 24نئے مریض داخل ،تعداد700سے تجاوز کرگئی

18 Aug, 2017 نیو

پشاور : پشاور میں ڈینگی نے لمبے ڈیرے ڈال لئے، ایک دن میں خیبر ٹیچنگ ہسپتال میں 24نئے مریض  ... مزید

پشاور میں ڈینگی نے لمبے ڈیرے، 24نئے مریض ،تعداد700سے تجاوز کرگئی

18 Aug, 2017 نیو

پشاور : پشاور میں ڈینگی نے لمبے ڈیرے ڈال لئے، ایک دن میں خیبر ٹیچنگ ہسپتال میں 24نئے مریض  ... مزید

Load More
Post Your Comments
Select Language:    
MORE ON NEWS
MORE ON HAMARIWEB