وزارت داخلہ کا عرب شہزادوں کے قانون کی خلاف ورزی پر وزارت خارجہ کو خط

12 Jan, 2017 اب تک
وزارت داخلہ کا عرب شہزادوں کے قانون کی خلاف ورزی پر وزارت خارجہ کو خطوزارت داخلہ نے قطری اور دیگر عرب ممالک کے شہزادوں کی جانب سے پاکستانی قانون کی خلاف ورزی پر وزارت خارجہ کو خط لکھ دیا۔ خط میں کہا گیا کہ شکار کیلئے آنے والے قطری اور دیگر عرب ممالک کے شہزادوں کو پاکستانی قانون کی خلاف ورزی سے روکا جائے۔وزارت خارجہ کو لکھے گئے خط میں کہا گیا کہ شکار کیلئے آنے والے قطری اور دیگر عرب ممالک کے شہزادوں اور ان کے اسٹاف کی آمدو رفت انٹرنیشنل ایئر پورٹ سے ہونی چاہئے، جبکہ عرب شہزادوں کی امیگریشن ہوتی ہے اور نہ سکیورٹی کلیئرنس ہوتی ہے۔خط میں کہا گیا ہے کہ شہزادوں کے پاس ویزے بھی نہیں ہوتے، جبکہ عرب شہزادوں کے سیکورٹی اسٹاف میں بھارتی باشندے بھی شامل ہوتے ہیں۔ عرب شہزادوں کو پابند کیا جائے کہ آمد سے قبل پیشگی آگاہ کریں تاکہ ان کو ویزوں سمیت دیگر سہولیات فراہم کی جا سکیں۔وزارت خارجہ کو لکھے گئے خط میں مزید کہا گیا ہے کہ شہزادوں کو چھوٹے ایئرپورٹس پر امیگریشن سہولیات فراہم نہیں کی جا سکتیں۔ عرب ممالک کے شہزادوں کو پاکستانی قانون کی خلاف ورزی سے روکا جائے اور یہ معاملہ متعلقہ ممالک کے ساتھ اٹھایا جائے۔
 

Watch Live News

 مزید خبریں 
« مزید خبریں
Post Your Comments
Select Language: