سانحہ بلدیہ:رحمان بھولا بیان سے مکر گیا،حماد صدیقی کے دوبارہ ریڈ وارنٹ جاری

12 Jan, 2017 چینل24
کراچی (24 نیوز)انسدادِ دہشت گردی کراچی کی عدالت نے سانحہ بلدیہ کیس میں حماد صدیقی کے ریڈ وارنٹ ایک بار پھر جاری کرنے کا حکم دیدیا ، دوسری جانب رحمان بھولا میڈیا کے سامنے اپنے اعترافی بیان سے ہی مکر گیا۔سانحہ بلدیہ کیس کا پہیہ گھوم گیا ، مرکزی ملزم رحمان بھولا اپنے اعترافی بیان سے منحرف ہوگیا ، کہتا ہے مجھ پر شدید دبائوہے ، میں نے کوئی اعترافی بیان نہیں دیا۔سانحہ بلدیہ کیس کی سماعت انسدادِ دہشت گردی کراچی کی عدالت میں ہوئی تو مرکزی ملزم رحمان بھولا کو پیش کیا گیا ، عدالت نے آئندہ سماعت پر کیس کا ضمنی چالان پیش کرنے اور حماد صدیقی کے ریڈ وارنٹ ایک بار پھر جاری کرنے کا حکم دیا۔کیس میں نامزد ایم کیو ایم کے رہنما رؤف صدیقی اور دیگر کی عبوری ضمانت میں بھی توسیع کر دی گئی ، سماعت 25 جنوری تک ملتوی کر دی گئی ہے۔
 

Watch Live News

 مزید خبریں 
« مزید خبریں
Post Your Comments
Select Language: