’’مسافر شب کو اٹھتا ہے………… جو جانا دور ہوتا ہے‘‘

اگر ان کے کوئی مسائل ہیں تو وہ مل بیٹھ کر حل ہوسکتے ہیں۔ وزیراعلیٰ نے ایک موقع پر کہا کہ میری جیب میں پیسہ نہیں ہوتا اور نہ میں پیسہ رکھتا ہوں بلکہ صوبے کے وزیراعلیٰ کو بھی وزیر خزانہ سے ہی پیسے لینا ہوتے ہیں۔ وزیراعلیٰ نے چیف ایگزیکٹو آفیسر انفراسٹرکچر ڈویلپمنٹ اتھارٹی پنجاب مجاہد شیر دل کی کارکردگی کی تعریف کرتے ہوئے کہا کہ وہ مجاہد بھی ہیں، شیر بھی اور درد دل بھی رکھتے ہیں۔ وزیراعلیٰ نے کہا کہ میرے سمیت ملک کی اشرافیہ علاج کیلئے یورپ یا امریکہ جاسکتی ہے لیکن یہاں کا غریب جس کے پاس نہ سفارش ہے اور نہ پیسہ، وہ علاج کیلئے سرکاری ہسپتال تک نہیں جاسکتا اور مسیحا کی تلاش میں دھکے کھاتا رہتا ہے۔ یہ قائدؒ اور اقبالؒ کا پاکستان نہیں۔ انہوں نے کہا کہ قومیں محنت اور عمل سے بنتی ہیں اور جو قومیں اس اصول کو نظرانداز کر دیتی ہیں وہ تباہ ہو جاتی ہیں۔ اس موقع پر انہوں نے یہ شعر پڑھا:
مسافر شب کو اٹھتا ہے………… جو جانا دور ہوتا ہے
وزیراعلیٰ نے پاکستان کڈنی اینڈ لیور ٹرانسپلانٹ انسٹی ٹیوٹ کے منصوبے پر کام کرنے والے تمام متعلقہ محکموں اور ادارو ں کی تعریف کرتے ہوئے کہا کہ یہ میرے عظیم ساتھی ہیں۔ خدانخواستہ اگر صاف پانی والے لوگ ہوتے تو صاف پانی کی طرح یہاں بھی صفائی ہو جاتی۔ لیکن میرے ان عظیم ساتھیوں نے ایک ٹیم ورک کے طو رپر کام کیا ہے اور بڈ میں بھی 40 کروڑ روپے رضاکارانہ طو رپر کم کرا کے کارخیر میں حصہ ڈالا گیا ہے۔ یقینا اس ٹیم کو دنیا و آخرت میں اس کا اجر ملے گا۔