وزیرداخلہ نےمعطل کھلاڑیوں کےنام ای سی ایل میں ڈالنےکی منظوری دیدی

20 Mar, 2017 چینل24
لاہور (24 نیوز): ایف آئی اے کی درخواست پر وزیر داخلہ نے شرجیل خان، خالد لطیف، شاہ زیب حسن خان اور محمد عرفان کے نام ای سی ایل میں ڈالنے کی منظوری دے دی۔پاکستان سپرلیگ میں اسپاٹ فکسنگ کا داغ دھونے کے لئے اقدامات کا آغاز کردیا گیا، ٹربیونل کا پہلا اجلاس چوبیس مارچ کو منعقد ہوگا۔پاکستان کرکٹ بورڈ ذرائع کے مطابق میچ فکسنگ کے الزامات کو ختم کرنے کے لیے اجلاس 24 مارچ کو طلب کیا گیا ہے جس میں ٹربیونل حاصل ہونے والے ثبوتوں کی روشنی میں کارروائی کا آغاز کرے گا۔ محمد عرفان اور خالد لطیف نے ایف آئی اے کے سامنے پیش ہو کر بیان بھی ریکارڈ کرا دیئے، شرجیل خان منگل کو پیش ہوں گے۔ایف آئی اے حکام نے خالد لطیف اور محمد عرفان سے ان کے موبائل فون ڈیٹا، بینک اکاؤنٹس اور دیگر معاملات پر تفتیش کی۔ ذرائع کے مطابق ناصر جمشید کو بھی ملک لائے جانے کا امکان ہے۔ادھر پی سی بی نے بھی کیس سے متعلق دستاویزات، شواہد اور کھلاڑیوں کے بیانات ٹربیونل کے حوالے کر دیئے ہیں۔ ذرائع کے مطابق ٹریبونل کے سربراہ تمام دستاویزات کا جائزہ لینے کے بعد اجلاس طلب کریں گے۔
 

Watch Live News

 مزید خبریں 
« مزید خبریں
Post Your Comments
Select Language: