کراچی : پولیس کی مختلف کارروائیوں میں 26 ملزمان گرفتار

21 Mar, 2017 اب تک
کراچی : پولیس کی مختلف کارروائیوں میں 26 ملزمان گرفتارشہر قائد میں میں آپریشن ردالفساد کے تحت پولیس کی کامیاب کارروائیاں جاری ہیں۔ پولیس نے مختلف علاقوں سے گیارہ غیرملکی باشندوں سمیت چھبیس ملزمان کو گرفتار کرلیا۔اورنگی ٹاؤن میں ڈاکو مارا گیا۔پولیس کے مطابق پولیس نے شارع فیصل سے غیر قانونی مقیم افغانی اور بنگلہ دیشی جبکہ پیرآباد اور رضویہ سے افغانی باشندے سمیت آٹھ غیرملکی باشندے گرفتار کر لئے۔ ملزمان کے خلاف فارن ایکٹ کے تحت مقدمہ درج کرلیا گیا۔بلدیہ پولیس نے کرایہ داری ایکٹ کے خلاف ورزی کرنیوالے کرایہ دار اور مالک مکان کو گرفتار کرلیا۔ موچکو پولیس نے کارروائی کرتے ہوئے دو ملزمان گرفتارکرکے چار ہزار لیٹر ایرانی ڈیزل برآمد کرلیا۔ پولیس نےگلبرگ سے تین،عوامی کالونی سے دو،مبینہ ٹاؤن سے دو،اورنگی ٹاؤن اقبال مارکیٹ سے دو اور درخشاں سے دو ملزمان کو گرفتار کرلیا۔ گرفتار ملزمان سے اسلحہ اور منشیات برآمد ہوئی۔اورنگی ٹاؤن اقبال مارکیٹ رئیس امروہوی کالونی میں پولیس نے مقابلے کے دوران ایک ڈکیت کو ہلاک کر دیا جبکہ اس کے دو ساتھی فرار ہو گئے۔ ملزمان نے پولیس کانسٹیبل عبدالغفار کو نشانہ بنانے کی کوشش کی تھی جوابی کارروائی میں ڈکیت مارا گیا۔ ڈیفنس کے علاقے سے نامعلوم ملزمان سرکاری نمبر کی پوٹوھار جیپ نمبر جی ایس نائن سکس فائیو زیرو ماڈل دو ہزار ایک چوری کر کے فرار ہوگئے۔ فیریئر کے علاقے میں شہریوں نے ڈاکو کو تشدد کے بعد پولیس کے حوالے کر دیا۔ڈاکو کو زخمی حالت میں اسپتال منتقل کر دیا گیا۔
 

Watch Live News

 مزید خبریں 
« مزید خبریں
Post Your Comments
Select Language: