اہلکار دین محمد نے ریڑھی لگا لی،وزیراعلیٰ کے مقابلے میں الیکشن لڑنے کا اعلان

21 Mar, 2017 چینل24
لاہور(24 نیوز)اپنی تنخواہ سے مایوس پولیس اہلکار دین محمد (deen muhammad)نے حکمرانوں اور پولیس افسروں سے تنگ آ کر پھلوں کی ریڑھی لگا لی ، دین محمد نے شہباز شریف کے مقابلے میں الیکشن لڑنے کا اعلان کر دیا۔تفصیلات کے مطابق اپنی تنخواہ سے مایوس پولیس اہلکار دین محمد نے روزی کے لیے پھلوں کی ریڑھی لگا لی ، دین محمد کا کہنا ہے کہ اپنا حق مانگنے پر پولیس نے تشدد کا نشانہ بنایا۔اپنے انٹرویو میں انھوں نے بتایا کہ پولیس نے اپنا حق مانگنے پر مجھے تشدد کا نشانہ بنایا ، میرا میڈیکل کرایا گیا سب کلیئر ہونے کے بعد اب مجھے تنخواہ جاری کی گئی ہے۔دین محمد نے کہا کہ میں ہیڈ کانسٹیبل ہوں اور میری تنخواہ نویں سکیل پر بنتی ہے لیکن مجھے ساتویں سکیل کی تنخواہ دی گئی اور اس میں سے بھی الائونس کاٹ لیے جو میں وصول ہی نہیں کر رہا ہے۔دین محمد نے کہا کہ میں نے گھر کا کچن چلانے کے لیے پھلوں کی ریڑھی لگا لی ہے لیکن میں نے فیصلہ کیا ہے کہ وزیراعلیٰ شہباز شریف جس حلقے سے الیکشن لڑیں گے میں ان کے مقابلے میں آزاد امیدوار کھڑا ہوں گا۔جب ان سے پوچھا گیا کہ الیکشن لڑنے کیلئے پیسہ کہاں سے آئے گا تو انھوں نے کہا کہ میں چندہ مہم شروع کر دی ہے ، امید ہے اپنے مقصد میں کامیاب ہوں گا۔ویڈیو دیکھنے کیلئے کلک کریں :
 

Watch Live News

 مزید خبریں 
« مزید خبریں
Post Your Comments
Select Language: