پاکستان کرکٹ بورڈ کی شاہد آفریدی اور کراچی کنگز کو قوانین کی خلاف ورزی پر دوسری وارننگ

ٹرانسفر ونڈو یا ڈرافٹ (جو پہلے ممکن ہو) سے قبل تمام کھلاڑی قانونی طور پر اپنی ٹیم کے ساتھ کنٹریکٹ میں شامل ہیں۔پی سی بی اس بات کی بھی وضاحت دینا ضروری سمجھتا ہے کہ کنڑیکٹ کھلاڑی ،فرنچائز اور پی سی بی کے درمیان ہے اور پی سی بی کے علاوہ کوئی دوسرا فریق اس میں تبدیلی کے اعلان کا مجاز نہیں ۔تبدیلی طے شدہ قانون اور مقرر کردہ وقت کے دوران ہی دونوں پارٹیاں پی سی بی کی اجازت کے بعد ہی کرسکتی ہیں۔شاہد آفریدی کے کیس کو مدنظر رکھتے ہوئے پی سی بی نے وضاحت دیدی ہے کہ کوئی کھلاڑی جو ابھی کسی ٹیم کے ساتھ منسلک ہے وہ بھی کھلاڑیوں کے ٹرانسفر ،ریلیز ،یا ریٹینٹشن کے مقرر کردہ وقت سے قبل کس دوسری فرنچائز کو کھلاڑی کے علاوہ بھی کسی دوسری حیثیت سے جوائن نہیں کرسکتا ۔اور اس حوالے سے مقرر کردہ وقت اور قوانین پر عمل لازمی ہے۔زرائع کے مطابق جون یا اس کےبعد ٹرانسفر ونڈو کھلنے کی صورت ہی شاہد آفریدی اسی صورت کراچی کنگز قانونی طور پر جوائن کرسکتے ہیں جب کراچی کنگز ان کی خدمات حاصل کرنے کے لیے پشاور زلمی سے ٹریڈکی درخواست کرے یا پھر پشاور زلمی انہیں خود ریلییز کردیں۔اس عمل سے قبل شاہد آفریدی قانونی طور پر اب بھی پشاور زلمی کا حصہ ہیں ۔زرائع کےمطابق پی سی ایل انتظامیہ نے قوانین کی خلاف ورزی پر کراچی کنگز اور شاہد آفریدی کو وارننگ دی ہے اور پشاور زلمی کے پاس قانونی کاروائی کا حق بھی موجود ہے-