پانامہ کیس ختم نہیں ہوا، مکمل فیصلہ آنا ابھی باقی ہے: چوہدری نثار

21 Apr, 2017 چینل24
اسلام آباد (24 نیوز): وفاقی وزیرداخلہ چوہدری نثار نے کہا ہے کہ پانامہ کیس ختم نہیں ہوا، مکمل فیصلہ آنا ابھی باقی ہے۔ سپریم کورٹ سے فیصلہ آنے کے بعد عدالتوں پر عدالتیں لگ رہی ہیں اور لوگ اپنی خواہشات کے مطابق فیصلے کی تشریح کر رہے ہیں۔ٹیکسلا میں میڈیا سے گفتگو کرتے ہوئے وزیر داخلہ نے کہا کہ پاناما کیس میں تمام ججز نے جے آئی ٹی بنانے کے فیصلے پر دستخط کئے۔ پانامہ کیس کرپشن کیس نہیں بلکہ کچھ فلیٹس کا معاملہ ہے جو وزیراعظم اور ان کی فیملی نے خریدے، کہ ان کے پیسے کہاں سے آئے اور کس نے دیئے۔وزیر داخلہ کا کہنا تھا کہ اپوزیشن رہنما شروع سے جے آئی ٹی بنانے کا کہہ رہے تھے مگر آج جب سپریم کورٹ نے خود حکم دیا جے آئی ٹی کا تو شور ہورہا ہے، خدارا اس ملک پر رحم کریں اور اس کیس کا فیصلہ سپریم کورٹ پر ہی چھوڑ دیں جب کہ فیصلہ صرف الزامات نہیں بلکہ شواہد کی بنیاد پر ہی ہوگا۔چوہدری نثار کا کہنا تھا کہ نیوز لیکس کی رپورٹ پاناما کیس کی وجہ سے تاخیر کا شکار ہوئی۔ رپورٹ منگل تک وزیراعظم کو پیش کردی جائے گی۔
 

Watch Live News

 مزید خبریں 
« مزید خبریں
Post Your Comments
Select Language: