اشتعال انگیزتقریر کیس: راؤ انوار کی غیرحاضری، عدالت برہم

21 Apr, 2017 اب تک
اشتعال انگیزتقریر کیس: راؤ انوار کی غیرحاضری، عدالت برہمانسداد دہشتگردی عدالت نے ملکی بغاوت اور اشتعال انگیزی کیس میں ایم کیوایم پاکستان کے کنوینئر فاروق ستار، عامر خان ، ڈاکٹرعامر لیاقت حسین، خالد مقبول صدیقی سمیت دیگر ملزمان کے وارنٹ گرفتاری جاری کردیئے جبکہ عدالت نے ایس ایس پی ملیر راؤ انوار کی غیر حاضری پر سخت برہمی کا اظہار کیا۔انسداد دہشت گردی کی عدالت میں ملکی بغاوت اور اشتعال انگیزی سے متعلق کیس کی سماعت ہوئی۔ ایم کیو ایم کے رہنما قمر منصور، شاہد پاشا، گلفرازخٹک، 3 خواتین سمیت 57 ملزمان عدالت میں پیش ہوئے۔ ایس ایس پی ملیر راؤ انوار کی عدالت میں عدم حاضری پر عدالت نے سخت برہمی کا اظہار کرتے ہوئے ریمارکس دئیے کہ جب لیڈروں کو نہیں پکڑنا تو کارکنوں کا کیا قصور ہے، روز ٹی وی پر آتے ہیں لیکن پولیس کو نظر نہیں آتے، اگر پولیس نہیں پکڑ سکتی تو اپنے بڑوں کو لکھ کر دے دے تاکہ وہ کوئی اور انتظام کریں۔عدالت نے آئندہ سماعت پر ملزمان کو گرفتار کرکے پیش  کرنے کا حکم دے دیا جبکہ 2 ملزمان محمد شریف اور ذوالفقار کی درخواست ضمانت مسترد کرتے ہوئے ملزم محسن کے دو لاکھ کی ضمانت ایک لاکھ  کردی ہے۔
 

Watch Live News

 مزید خبریں 
« مزید خبریں
Post Your Comments
Select Language: